(फोटो सौजन्य- सोशल मीडिया)
Mysaa Teaser: पॅन-इंडिया स्टार रश्मिका मंदाना हिच्या आगामी ‘मायसा’ या चित्रपटाची प्रेक्षक आतुरतेने वाट पाहत आहेत. या बहुप्रतीक्षित चित्रपटाचा दमदार टीझर आता रिलीज करण्यात आला आहे. टीझरमध्ये रश्मिका एका आक्रमक, रफ-टफ आणि संतप्त अवतारात दिसत असून, तिचा हा अंदाज याआधीच्या भूमिकांपेक्षा पूर्णपणे वेगळा आहे. ‘मायसा’ हा २७ नोव्हेंबर २०२६ रोजी सिनेमागृहात प्रदर्शित होणार आहे.
रश्मिका मंदाना आपल्या अभिनयासोबतच दमदार स्क्रीन प्रेझेन्ससाठी ओळखली जाते. ‘मायसा’मध्ये मात्र तिचा एक वेगळाच अवतार पाहायला मिळणार आहे. टीझरमध्ये ती आक्रमक आणि धाडसी अंदाजात दिसते. हाय-ऑक्टेन अॅक्शन सीन्ससोबत तिच्या व्यक्तिरेखेतील राग आणि भावनांचीही झलक टीझरमध्ये पाहायला मिळते.
‘मायसा’ची कथा केवळ अॅक्शनपुरती मर्यादित नसून, वडील आणि मुलीच्या अनोख्या नात्याभोवती फिरणारी भावनिक कथा असल्याची झलक टीझरमधून मिळते. या नात्याला अॅक्शन आणि थ्रिलरच्या पार्श्वभूमीवर वेगळ्या पद्धतीने मांडण्यात आले आहे.
भावना, अॅक्शन आणि भव्य दृश्यांचा मेळ या चित्रपटात पाहायला मिळणार आहे. या महिला-केंद्रित अॅक्शन चित्रपटाच्या कथेच्या केंद्रस्थानी रश्मिकाची व्यक्तिरेखा आहे.
रविंद्र पुल्ले यांचं दिग्दर्शन
‘सीता रामम’मधील कामासाठी ओळखले जाणारे दिग्दर्शक रविंद्र पुल्ले यांनी ‘मायसा’चं दिग्दर्शन केलं आहे. चित्रपटात अॅक्शन, भावना आणि भव्यता यांचा मेळ साधण्यात आला आहे. टीझरमधून मोठ्या स्तरावर उभ्या करण्यात आलेल्या पॅन-इंडिया सिनेमॅटिक जगाची झलक पाहायला मिळते.
जेक्स बेजॉय यांच्या संगीताने वाढवली टीझरची रंगत
प्रसिद्ध संगीतकार जेक्स बेजॉय यांनी चित्रपटाला संगीत दिलं आहे. टीझरमधील इंटेन्स म्युझिक स्कोअरमुळे अॅक्शन आणि ड्रामाची तीव्रता आणखी वाढताना दिसते.
‘मायसा’ कधी होणार रिलीज?
अनफॉर्मुला फिल्म्स निर्मित आणि रविंद्र पुल्ले दिग्दर्शित ‘मायसा’ हा आदिवासी प्रदेशांच्या पार्श्वभूमीवर आधारित भावनिक अॅक्शन थ्रिलर आहे. भव्य व्हिज्युअल्स, अॅक्शन, भावनिक कथा आणि रश्मिका मंदानाचा नवा अवतार यामुळे चित्रपटाबाबत उत्सुकता वाढली आहे.
‘मायसा’ २७ नोव्हेंबर २०२६ रोजी सिनेमागृहात प्रदर्शित होणार आहे. आता रश्मिकाचा हा रफ-टफ अंदाज मोठ्या पडद्यावर प्रेक्षकांना किती भावतो, हे पाहणं महत्त्वाचं ठरणार आहे.
.png "Videos"){kind=small}
