नाना पाटेकरांची शेवटची इच्छा काय होती? आज पुण्यातील डोणजे येथे शासकीय इतमामात अखेरचा निरोप
पुणे : मराठी आणि हिंदी चित्रपटसृष्टीतील ज्येष्ठ अभिनेते नाना पाटेकर यांचे वयाच्या ७५व्या वर्षी निधन झाले. गोव्यातील डोना पावला येथील राहत्या घरी त्यांना हृदयविकाराचा झटका आला. त्यानंतर त्यांना मणिपाल रुग्णालयात दाखल करण्यात आले. मात्र, डॉक्टरांनी सुमारे ४५ मिनिटे प्रयत्न करूनही त्यांच्या हृदयाची हालचाल पुन्हा सुरू होऊ शकली नाही. पहाटे ५.२० वाजता त्यांना मृत घोषित करण्यात आले. नाना पाटेकर यांच्या निधनाने मनोरंजनसृष्टीवर शोककळा पसरली आहे. त्यांच्या निधनाबद्दल चित्रपटसृष्टीतील कलाकारांसह विविध क्षेत्रांतील मान्यवरांनी दुःख व्यक्त केले आहे.
नाना पाटेकर यांच्या अंतिम संस्काराबाबत महत्त्वाची माहिती समोर आली आहे. त्यांच्या इच्छेनुसार पुण्यातील डोणजे गावातील त्यांच्या शेतातच अंत्यसंस्कार करण्यात येणार आहेत. आज सायंकाळी ४ वाजता शासकीय इतमामात त्यांना अखेरचा निरोप दिला जाणार असल्याची माहिती समोर आली आहे. नाना पाटेकर यांची शेवटची इच्छा डोणजे येथील त्यांच्या शेतातच अंत्यसंस्कार व्हावेत, अशी होती. त्यामुळे त्यांच्या इच्छेनुसार डोणजे येथील निवासस्थानी अंत्यसंस्काराची तयारी करण्यात येत आहे.
नाना पाटेकर गोव्यातील डोना पावला येथील त्यांच्या घरी बेशुद्ध अवस्थेत आढळले. त्यानंतर त्यांना तातडीने मणिपाल रुग्णालयात नेण्यात आले. रुग्णालयात दाखल केल्यानंतर डॉक्टरांनी सुमारे ४५ मिनिटे त्यांना CPR दिला. मात्र, या प्रयत्नांना यश आले नाही. मणिपाल रुग्णालयाच्या ऑन्कोलॉजी विभागाचे प्रमुख डॉ. शेखर साळकर यांनी ‘एएनआय’ला दिलेल्या माहितीनुसार, नाना पाटेकर यांच्या हृदयाची हालचाल पुन्हा सुरू करण्यासाठी डॉक्टरांनी शर्थीचे प्रयत्न केले. मात्र, हृदयाची हालचाल पुनरुज्जीवित होऊ शकली नाही आणि पहाटे ५.२० वाजता त्यांचे निधन झाले. या प्रकरणी मेडिको-लीगल केस (MLC) नोंदवण्यात आली असून शवविच्छेदनाची प्रक्रिया करण्यात येणार असल्याची माहितीही डॉक्टरांनी दिली.
विश्वनाथ दिनकरराव पाटेकर उर्फ नाना पाटेकर हे मराठी आणि हिंदी चित्रपटसृष्टीतील दिग्गज नाव म्हणून ओळखले जातात. रंगभूमीपासून आपल्या अभिनय कारकिर्दीला सुरुवात करत त्यांनी मराठी तसेच हिंदी चित्रपटांमध्ये दमदार भूमिका साकारल्या. आपल्या वेगळ्या अभिनयशैलीमुळे त्यांनी प्रेक्षकांच्या मनावर स्वतंत्र ठसा उमटवला. त्यांच्या अचानक निधनाने चाहत्यांसह संपूर्ण मनोरंजनसृष्टीला मोठा धक्का बसला आहे.
.png "Videos"){kind=small}
