(फोटो सौजन्य- सोशल मीडिया)
Navika Kotia: दिवंगत अभिनेत्री श्रीदेवी यांच्या ‘इंग्लिश विंग्लिश’ या चित्रपटात त्यांच्या मुलीची भूमिका साकारणारी अभिनेत्री नविका कोटिया सध्या तिच्या वैयक्तिक आयुष्यामुळे चर्चेत आली आहे. काही महिन्यांपूर्वी नविकाचा पुण्यातील व्यावसायिक माजेन मोदी याच्यासोबत साखरपुडा झाला होता. दोघेही लवकरच विवाहबंधनात अडकणार असल्याची चर्चा होती. मात्र, आता अवघ्या सहा महिन्यांतच त्यांचा साखरपुडा मोडल्याचं वृत्त समोर आलं आहे.
मिळालेल्या वृत्तांनुसार, नविका कोटिया आणि माजेन मोदी यांच्या नात्यात मतभेद निर्माण झाल्याने त्यांनी वेगळं होण्याचा निर्णय घेतल्याचं सांगितलं जात आहे. या दोघांचं लग्न ठरवण्यात त्यांच्या कुटुंबीयांची महत्त्वाची भूमिका होती. मात्र, त्यांच्या नात्यात नेमकं काय घडलं, याबाबत दोघांकडून अधिकृत स्पष्टीकरण समोर आलेलं नाही.
नविका आणि माजेन यांनी परदेशात फिरायला गेले असताना एकमेकांवरील प्रेम व्यक्त केल्याचं सांगितलं जातं. माजेनने नविकाला अगदी फिल्मी अंदाजात प्रपोज केलं होतं. जानेवारी २०२६ मध्ये दोघांचा साखरपुडा झाला होता. मात्र, जुलै महिन्यातच त्यांचं नातं संपल्याची माहिती समोर येत आहे. नविकाने तिच्या सोशल मीडिया अकाउंटवरून साखरपुड्याचे फोटो हटवल्याचंही वृत्त आहे.
नविका आणि माजेन यांच्या नात्याबाबत चर्चा सुरू असतानाच माजेन मोदीचं नाव आता अभिनेत्री रितिका बडियानीसोबत जोडलं जात आहे. माजेन आणि रितिका एकमेकांना डेट करत असल्याच्या चर्चा आहेत. मात्र, या वृत्तांना दोघांकडून अधिकृत दुजोरा मिळालेला नाही.
रितिका बडियानीने ‘एअरलिफ्ट’, ‘१० कल्पनाकल’ आणि ‘चमन बहार’ यांसारख्या चित्रपटांमध्ये काम केलं आहे. त्यामुळे नविकाच्या साखरपुड्याच्या वृत्तांसोबतच माजेन आणि रितिकाच्या नात्याबाबतच्या चर्चांनीही मनोरंजनविश्वाचं लक्ष वेधलं आहे.
दरम्यान, नविका कोटिया आणि माजेन मोदी यांच्या साखरपुड्याबाबत तसेच माजेन आणि रितिका बडियानी यांच्या कथित नात्याबाबत अधिकृत माहिती समोर येण्याची प्रतीक्षा आहे.
.png "Videos"){kind=small}
