Nusrat Bharucha Bali Accident: ऑक्सिजन सपोर्टवर मुंबईत पोहोचली नुसरत! अभिनेत्रीचा व्हिडीओ पाहून चाहते चिंतेत

Nusrat Bharucha Bali Accident: अभिनेत्री नुसरत भरुचा हिचा बालीमध्ये अपघात झाला असून तिच्या मणक्याला गंभीर फ्रॅक्चर झाल्याची माहिती वृत्तात देण्यात आली आहे. बालीतील रुग्णालयात उपचार सुरू असताना पुढील उपचार आणि शस्त्रक्रियेसाठी तिला एअर अॅम्ब्युलन्सने मुंबईत आणण्यात आले.

बॉलिवूडमधून एक धक्कादायक घटना समोर आली आहे. अभिनेत्री नुसरत भरुचा Nusrat Bharucha Accident बालीमध्ये मोठा अपघात झाला. या अपघातामध्ये तिच्या मणक्याला गंभीर दुखापत झाली. पुढील उपचारासाठी तिला एअर अॅम्ब्युलन्सने मुंबईत आणण्यात आलं. मुंबईत आणल्यावर तिचे काही फोटो आणि व्हिडिओ सोशलमीडिलवर व्हायरल झाले. या व्हिडिओमध्ये ती स्ट्रेचरवर आहे तसेच तिला ऑक्सिजन लावलेला दिसतोय. तिचे असे फोटो पाहून चाहत्यांना मोठा धक्का बसला आहे. Nusrat Bharucha Bali Accident:

नेमकं काय घडलं बालीमध्ये?

मिळालेल्या माहितीनुसार नुसरत काही दिवसांपूर्वी बालीला कामांसाठी तसेच सुट्टीसाठी ती गेली होती. तिथेच तिचा अपघात झाला. अपघात कसा झाला त्याबद्दल अजून कोणतीही माहिती समोर आली नाही. परंतू या अपघातामध्ये तिच्या मणक्याला गंभीर फ्रॅक्चर झालं. अपघातानंतर तिला लगेच बालीमधल्या हॉस्पिटलमध्ये दाखल करण्यात आले.

Drishyam 3: रिलीजआधीच ‘दृश्यम 3’चा बॉक्स ऑफिसवर धमाका! अॅडव्हान्स बुकिंगमध्ये मोठी झेप; पहिल्याच दिवशी विक्रम मोडणार?

तिथे नुसरतवर उपचार सुरु होते. परंतू मणक्याला मोठी दुखापत झाल्याने बालीमध्ये शस्त्र क्रिया करण योग्य नव्हतं म्हणून तिला मुंबईत आणले. नुसरतला एअर अॅम्ब्युलन्सने मुंबईत आणण्यात आलं. मुंबई एअरपोर्टवर उतरल्यानंतर तिला थेट हॉस्पिटलमध्ये नेण्यात आलं. तिथला व्हिडिओ आता सोशल मीडियावर व्हायरल होतोय. त्यात नुसरत शुद्धीत आहे, आजूबाजूच्या लोकांशी बोलत पण आहे, पण तिला ऑक्सिजन सपोर्टवर ठेवलं आहे. स्ट्रेचरवरून तिला आत नेलं जात आहे.

टीमने काय सांगितलं?

नुसरतच्या टीमने याआधीच तिच्या दुखापतीबद्दल थोडी माहिती दिली होती. त्यांनी सांगितलं होतं की तिला बरं व्हायला बराच वेळ लागेल. दुखापत आणि शस्त्रक्रियेमुळे तिला पूर्ण आराम करावा लागणार आहे. काही महिने तिला बेड रेस्ट करावा लागू शकतो. याचा परिणाम तिच्या पुढच्या कामांवर होईल. तिचे काही प्रोजेक्ट सुरु आहे ते थांबतील. मणक्याची शस्त्रक्रिया मुंबईत होणार आहे, मात्र ती कधी हे सांगण्यात आले नाही. डॉक्टर आधी तिचे सगळे रिपोर्ट बघतील आणि मग सर्जरीचा निर्णय घेतील.

See more

Pehla Pyaar Doosri Baar: ‘तेरा यार हूं मैं’च्या आठवणी पुन्हा ताज्या; ‘पुराने दिन’ गाण्याने जिंकली चाहत्यांची मनं!

टायगर सोबतच्या सिनेमाचं काय?

नुसरतच्या कामाबद्दल बोलायचं झालं तर ती लवकरच टायगर श्रॉफ सोबत एका सिनेमात दिसणार होती. रिपोर्ट्सनुसार दोघे पहिल्यांदाच एकत्र काम करणार होते. सिनेमाचं नाव अजून बाहेर आलं नव्हतं, शूटिंग सुरू व्हायचं होतं आणि त्याआधीच हा अपघात झाला. नुसरत शेवटची ‘उफ्फ ये सियापा’ या सिनेमात दिसली होती.

हा एक कॉमेडी-ड्रामा सिनेमा होता. तो 5 सप्टेंबर 2025 ला रिलीज झाला होता. त्या सिनेमात तिच्या कामाचं कौतुक पण झालं होतं.आता या अपघातामुळे तिच्या पुढच्या सगळ्या प्लॅनला ब्रेक लागला आहे. चाहते तिच्या लवकर बरं होण्यासाठी प्रार्थना करत आहेत. सोशल मीडियावर सगळे तिला Get Well Soon म्हणत आहेत.दरम्यान, डॉक्टरांचं म्हणणं आहे की मणक्याची दुखापत ही गंभीर असते, त्यामुळे घाई न करता पूर्ण उपचार करावे लागतील. शस्त्रक्रियेनंतर फिजिओथेरपी पण करावी लागेल.