(फोटो सौजन्य- सोशल मीडिया)
Hanuman Ansh OTT: चित्रपटसृष्टीत असे अनेक चित्रपट आहेत, जे कमी बजेटमध्ये तयार झाले, मात्र बॉक्स ऑफिसवर त्यांनी कोट्यवधींची कमाई करत सर्वांनाच आश्चर्यचकित केलं. अशाच चित्रपटांपैकी एक म्हणजे ‘हनुमान अंश’. अवघ्या २ कोटी रुपयांच्या बजेटमध्ये तयार झालेल्या या चित्रपटाने बॉक्स ऑफिसवर तब्बल ३४२ कोटी रुपयांची कमाई केली. चित्रपटगृहांमध्ये यश मिळवल्यानंतर आता हा चित्रपट ओटीटीवर प्रेक्षकांच्या भेटीला येणार आहे. त्यामुळे ज्यांनी हा चित्रपट थिएटरमध्ये पाहिला नाही, त्यांना आता घरबसल्या कुटुंबासोबत त्याचा आनंद घेता येणार आहे.
‘हनुमान अंश’च्या निर्मात्यांनी चित्रपटाच्या ओटीटी प्रदर्शनाची अधिकृत घोषणा केली आहे. विशाल चतुर्वेदी दिग्दर्शित हा चित्रपट २७ नोव्हेंबर रोजी सोनी लिव्हवर प्रदर्शित होणार आहे. सोनी लिव्हने आपल्या अधिकृत इन्स्टाग्राम अकाउंटवर पोस्ट शेअर करत ही माहिती दिली. या घोषणेनंतर चित्रपटाच्या चाहत्यांमध्ये उत्साह पाहायला मिळत आहे.
अवघ्या २ कोटींच्या बजेटमध्ये ३४२ कोटींची कमाई
‘हनुमान अंश’ हा चित्रपट कमी बजेटमध्ये तयार होऊनही बॉक्स ऑफिसवर मोठं यश मिळवणाऱ्या चित्रपटांपैकी एक ठरला आहे. अवघ्या २ कोटी रुपयांच्या बजेटमध्ये बनलेल्या या चित्रपटाने तब्बल ३४२ कोटी रुपयांचा व्यवसाय केला. या दमदार कमाईमुळे यंदाच्या सर्वाधिक कमाई करणाऱ्या चित्रपटांच्या यादीतही त्याचा समावेश झाला आहे.
या चित्रपटात शोभिनव सत्याने मुख्य भूमिका साकारली आहे. चित्रपटाची कथा नीम करोली बाबांच्या जीवनावर आधारित असून, शोभिनव सत्याने त्यांची भूमिका साकारली आहे. त्याच्या अभिनयाचं प्रेक्षकांकडून आणि चाहत्यांकडून कौतुक होत आहे. आता थिएटरमध्ये यशस्वी ठरल्यानंतर ‘हनुमान अंश’ ओटीटीवर किती प्रतिसाद मिळवतो, हे पाहणं उत्सुकतेचं ठरणार आहे.
.png "Videos"){kind=small}
