आसुरी शक्तींच्या संहारासाठी तुळजाभवानीचा नवा अवतार! 'आई राजा उदो उदो'च्या गजरात उर्वीचे मालिकेत हृदयस्पर्शी पदार्पण
बालरुपातली तुळजा सोबतच्या युद्धादरम्यान मल्लासुर दैवी सामर्थ्य संपल्याचा दावा करत विजयाचा उन्माद व्यक्त करतो. मात्र, याच क्षणी आदिशक्तीच्या मार्गदर्शनानुसार महादेव, विष्णू आणि ब्रह्मदेव आपापले दिव्य अंश बालरूपातील तुळजाईला प्रदान करतात. त्रिदेवांच्या दिव्य शक्तींचा संगम होताच अग्नीच्या प्रचंड उग्र वादळामधून अष्टभुजा महाशक्तीच्या रूपात देवी तुळजाभवानीचा भव्य असा मूळ दैवी अवतार प्रकट होतो. सुवर्ण अग्निज्वाळांच्या पार्श्वभूमीवर साकारलेले हे आई तुळजाभवानीचे भव्यरूप प्रेक्षकांसाठी एक अद्भुत दृश्यानुभव ठरणार आहे. विशेष म्हणजे दीपावलीच्या शुभमुहूर्तावर येत्या रविवारी ८ नोव्हेंबरच्या भागात या दिव्यरूपाची प्रचिती मिळणार आहे.
आदिशक्तींनी स्वत: पुढाकार घडवून आणलेली ही महाशक्ती स्वरूपिणी दैवीलीला, आसुरी प्रवृत्तीच्या संहाराचा निर्णायक टप्पा सुरू करणारी असून येणारा प्रत्येक भाग चुकवू नये असा आहे, देवी भक्तांसाठी हे दररोज अनुभवावेत असे दैवी अनुभूतीचे अनमोल क्षण आहेत, पौराणिक भव्यतेशी आधुनिक एआय तंत्रज्ञानाचा अनोखा संगम यामुळे सध्या ही मालिका विशेष लोकप्रिय ठरली आहे.
या नव्या दैवी रूपाविषयी आणि भूमिकेविषयी बोलताना अभिनेत्री उर्वी पाध्ये म्हणाली, “प्रत्येक कलाकाराचे मुख्य भूमिका साकारण्याचे स्वप्न असते आणि माझ्या पहिल्याच मालिकेत मला आई तुळजाभवानीची भूमिका साकारायला मिळणे ही मी देवीची सर्वात मोठी कृपा समजते. ही एक पौराणिक मालिका असल्याने भाषेचा भारदस्तपणा, आवाजातील ठामपणा जपण्यासाठी विशेष सराव, स्क्रिप्ट वाचन आणि दिग्दर्शकांचे मार्गदर्शन मला मोलाचे ठरले. भूमिकेसाठी पौराणिक अभ्यास, युद्धप्रसंगांसाठी शारीरिक व मानसिक तयारी करताना सुरुवातीला दडपण आले होते; पण त्यावर मात करत मी शिकत गेले. सेटवर माझी पहिली एंट्री शूट होताना आजूबाजूला ‘आई राजा उदो उदो’चा गजर आणि अंगावर पडणाऱ्या फुलांच्या पाकळ्यांचा तो क्षण अत्यंत भावुक करणारा होता, ज्याने मला एका अद्भुत सकारात्मक ऊर्जेची प्रचिती दिली.”
उर्वी पुढे म्हणाली, “तुळजाभवानीचे ममत्व आणि अन्यायाविरुद्ध लढणारे रौद्र रूप हे दोन्ही पैलू मला खूप भावले. माझा स्वभाव मूळचा शांत असल्याने तिचे रौद्र रूप साकारणे माझ्यासाठी वेगळे आव्हान होते. मॉनिटरवर स्वतःला देवीच्या रूपात पाहिले तेव्हा माझे डोळे पाणावले होते आणि देवी पाठीशी असल्याची तीव्र जाणीव झाली. कोल्हापूरची महालक्ष्मी ही आमची कुलस्वामिनी आहे. आई महालक्ष्मी आणि आई तुळजाभवानी यांच्याबद्दल माझ्या मनात अपार श्रद्धा आहे. देवीच्या आशीर्वादानेच मी आज इथपर्यंत पोहोचले आहे. अजून मला तुळजापूरला जाऊन आई तुळजाभवानीचं दर्शन घेण्याची संधी मिळालेली नाही; पण लवकरच हा योग यावा, अशी मनापासून इच्छा आहे. शूटिंगच्या सुरुवातीलाच आलेल्या दिव्य अनुभवांमुळे माझी श्रद्धा आणि भक्ती अधिकच दृढ झाली आहे.”
Ans: उर्वीने कलर्स मराठीवरील 'आई तुळजाभवानी' या मालिकेत पदार्पण केले आहे.
Ans: सेटवर 'आई राजा उदो उदो'च्या गजरात उर्वीची पहिली एंट्री झाली. हा क्षण उपस्थितांसाठी भावुक ठरला.
Ans: ही मालिका दररोज रात्री ८.५० वाजता कलर्स मराठीवर प्रसारित होते. तसेच JioHotstar वरही पाहता येते.
.png "Videos"){kind=small}
