(फोटो सौजन्य- सोशल मीडिया)
यावेळी चित्रपटासोबतच सिद्धार्थच्या वैयक्तिक आयुष्यावरही चर्चा झाली. सलमान खानने सिद्धार्थसोबत गप्पा मारताना त्याच्या लग्नाचा विषय काढला. याच संभाषणातील एका वक्तव्यामुळे आता सिद्धार्थ मल्होत्रा आणि कियारा अडवाणी पुन्हा आई-बाबा होणार असल्याच्या चर्चांना सोशल मीडियावर उधाण आलं आहे.
‘वीकेंड का वार’मध्ये सलमान खानने सिद्धार्थला त्याच्या वैयक्तिक आयुष्याबद्दल काही प्रश्न विचारले. सिद्धार्थ आणि कियाराने बराच काळ आपलं नातं खासगी ठेवलं होतं, यावरही सलमानने मजेशीर अंदाजात भाष्य केलं.
सिद्धार्थने सांगितलं की त्याने आपलं गुपित जपून ठेवलं होतं आणि योग्य वेळ आल्यावर ते सर्वांसमोर आणलं. यावर सलमानने गंमतीने उत्तर देताना आता ते गुपित मुलामध्ये असल्याचं म्हटलं.
सिद्धार्थने सांगितला मुलगी सरायासोबतचा अनुभव
सिद्धार्थ आणि कियारा यांनी जुलै २०२५ मध्ये त्यांच्या मुलीचं स्वागत केलं. काही महिन्यांनंतर त्यांनी तिचं नाव सराया मल्होत्रा असल्याचं जाहीर केलं.
पितृत्वाबद्दल बोलताना सिद्धार्थने ही आपल्या आयुष्यातील सर्वात सुंदर भूमिका असल्याचं म्हटलं. त्याने सांगितलं की त्याची मुलगी आता जवळपास १५ महिन्यांची झाली असून ती नवे शब्द शिकत आहे.
सिद्धार्थच्या मुलीबद्दल चर्चा सुरू असताना सलमान खानने त्यांना लवकरच दुसऱ्यांदा पालक होण्याची आशा असल्याचं मजेशीर अंदाजात म्हटलं.
याच वक्तव्याचा सोशल मीडिया युजर्स वेगळा अर्थ लावत आहेत. काही जण सलमानच्या बोलण्याला सिद्धार्थ-कियारा दुसऱ्यांदा पालक होण्याचा संकेत मानत आहेत. त्यामुळे कियारा पुन्हा प्रेग्नंट असल्याच्या चर्चांना सुरुवात झाली आहे.
Mysaa Teaser: रश्मिका मंदानाचा रफ-टफ अवतार पाहून व्हाल थक्क! वडील-मुलीच्या नात्याची अनोखी कथा
सिद्धार्थ-कियाराने दिला आहे का कोणताही संकेत?
मात्र, सिद्धार्थ किंवा कियाराने दुसऱ्यांदा पालक होणार असल्याबाबत कोणतीही घोषणा केलेली नाही. बिग बॉस 20 मधील संभाषणातही दोघांनी अशा कोणत्याही बातमीला दुजोरा दिलेला नाही.
त्यामुळे सध्या सोशल मीडियावर सुरू असलेल्या या चर्चा सलमान खानच्या मजेशीर वक्तव्यावर आधारित आहेत. सिद्धार्थ-कियारा दुसऱ्यांदा पालक होणार आहेत की नाही, याबाबत अधिकृत माहिती समोर आलेली नाही.
.png "Videos"){kind=small}
