तिरुवनंतपुरम : केरळमध्ये गेल्या २४ तासांत कोरोना विषाणू (corona) संसर्गाचे २९२ नवीन रुग्ण आढळून आले असून तीन जणांना आपला जीव गमवावा लागला आहे. केंद्रीय आरोग्य मंत्रालयाने बुधवारी ही माहिती दिली. मंत्रालयाच्या वेबसाइटनुसार, बुधवारी सकाळी 8 वाजेपर्यंत देशभरात कोविड-19 चे एकूण 341 रुग्ण आढळले आहेत, त्यापैकी 292 प्रकरणे केरळमधील आहेत. तर, राज्यात उपचार घेत असलेल्या रुग्णांची संख्या 2,041 वर पोहोचली आहे.
[read_also content=”कोरोनाचा सब व्हेरियंट JN.1 पासून जास्त धोका नाही, WHO नं दिली दिलासायक माहिती! https://www.navarashtra.com/india/who-says-coronas-sub-variant-jn-1-is-not-much-of-a-risk-nrps-490295.html”]
केरळमध्ये गेल्या 24 तासांत कोविड-19 मुळे तीन रुग्णांचा मृत्यू झाला आहे. यासह, गेल्या तीन वर्षांत राज्यातील कोरोना विषाणूच्या संसर्गामुळे मृत्यू झालेल्यांची एकूण संख्या 72,056 झाली आहे. आरोग्य मंत्रालयाच्या म्हणण्यानुसार, गेल्या 24 तासांत 224 रुग्ण संसर्गमुक्त झाले आहेत, एकूण 68,37,203 रुग्ण आतापर्यंत संसर्गमुक्त झाले आहेत.
कोरोनाव्हायरसचा एक नवीन उपप्रकार, JN.1, केरळमधील अलिक्कडे येथे आढळला आहे. 18 नोव्हेंबर रोजी RT-PCR द्वारे 79 वर्षीय महिलेच्या नमुन्याची चाचणी करण्यात आली, ज्यात विषाणूची चाचणी पॉझिटिव्ह आली. यामुळे केरळमध्ये पुन्हा कोरोनानं पाय पसरण्यास सुरुवात केल्याचं दिसत आहे. 2020 च्या सुरुवातीला कोविड-19 चा उद्रेक झाल्यापासून देशात 5,33,317 लोकांचा मृत्यू झाला आहे आणि मृत्यूचे प्रमाण 1.19 टक्के आहे. मंत्रालयाच्या वेबसाइटनुसार, आतापर्यंत देशात कोविड-19 लसीचे 220.67 कोटी डोस देण्यात आले आहेत.
आगामी सणासुदीचा काळ लक्षात घेऊन लोकांच्या सुरक्षेसाठी काही सावधगिरी बाळगणे आवश्यक आहे, जेणेकरून या विषाणूचा फैलाव होण्याचा धोका शक्य तितका कमी करता येईल, असे म्हटले आहे. इन्फ्लूएंझासारख्या आजारांच्या जिल्हावार आकडेवारीवर लक्ष ठेवण्याच्या सूचना राज्यांना देण्यात आल्या आहेत.
.png "Videos"){kind=small}
