Longest Serving PM: पंतप्रधान नरेंद्र मोदी यांनी भारतीय राजकारणात एक ऐतिहासिक टप्पा गाठला आहे. देशातील कोणत्याही निवडून आलेल्या सरकारचे ‘सर्वाधिक काळ प्रमुख’ म्हणून पद भूषवणारे ते पहिले नेते ठरले आहेत. गेल्या २५ वर्षांपासून देशाच्या राजकीय वर्तुळात आपल्या नावाचा दबदबा निर्माण करणारे मोदी यांनी रविवारी हा खास विक्रम आपल्या नावे केला. मोदी यांनी घटनात्मक पदावरील आपले ८ हजार ९३१ दिवस पूर्ण केले. त्यांनी सिक्कीमचे माजी मुख्यमंत्री पवन कुमार चामलिंग (८,९३० दिवस) यांचा विक्रम मोडीत काढत हा बहुमान मिळवला. भारतातील कुठल्याही सरकारच्या प्रमुखाचा हा सर्वात मोठा कार्यकाळ होता. इतर विक्रमही नावावर सर्वाधिक काळ सत्तापद सांभाळण्यासोबतच नरेंद्र मोदी यांनी आणखीही काही विक्रम केले आहेत.
पवन कुमार चामलिंग हे १९९४ ते २५ अशी सलग २५ वर्षे म्हणजेच सुमारे ८९३१ दिवस सिक्कीमचे मुख्यमंत्री होते. तसेच भारतीय राजकारणामध्ये ही अत्यंत असामान्य बाब होती. मात्र हा विक्रम आज नरेंद्र मोदी यांनी त्यांच्या कारकीदीतील ८९३१ वा दिवस पूर्ण करत मोडला.
नरेंद्र मोदी याचा हा कार्यकाळ दोन टप्प्यामध्ये विभागलेला आहे. नरेंद्र मोदी यांनी ७ ऑक्टोबर २००१ रोजी पहिल्यांदा गुजरातच्या मुख्यमंत्रिपदाची धुरा सांभाळली होती, सलग १३ वर्षांहून अधिक काळ राज्याचे नेतृत्व केल्यानंतर, २१ मे २०१४ रोजी त्यांनी या पदाचा राजीनामा दिला. त्यानंतर २६ मे २०१४ रोजी त्यांनी भारताचे १४वे पंतप्रधान म्हणून शपथ घेतली. पूर्ण बहुमतासह सतेत येणारे ते पहिले बिगर-काँग्रेस नेते ठरले, तसेब दोन कार्यकाळ पूर्ण करून तिसऱ्यांदा सलग सतेत परतण्याचा मानही त्यांनी मिळवला आहे. तसेच २०१४ पासून आतापर्यंत ते पंतप्रधानपदावर आहेत.
डिजिटल प्लॅटफॉर्मवरही पंतप्रधान मोदी लोकप्रिय आहेत, त्यांच्या यूट्यूब चॅनेलने ३ कोटी (३० दशलक्ष) सबस्क्राइबर्सचा टप्पा ओलांडला असून, जागतिक नेत्यांमध्ये ते आघाडीवर आहेत. इन्नटावर १० कोटींहून अधिक फॉलोअर्स असलेले ते जगातील पहिले सक्रिय नेते ठरलें आहेत. सध्या त्यांचे १०.१ कोटी फॉलोअर्स आहेत. सोशल मीडिया प्लॅटफॉर्म एक्सवर १०.६ कोटी फॉलोअर्स त्यांचे आहेत.
.png "Videos"){kind=small}
