18 व्या लोकसभा निवडणुकीत राष्ट्रीय लोकशाही आघाडी (NDA) च्या विजयानंतर भाजप नेते नरेंद्र मोदी यांनी सलग तिसऱ्यांदा भारताचे पंतप्रधान म्हणून शपथ घेतली. राष्ट्रपती भवनात झालेल्या समारंभात राष्ट्रपती द्रौपदी मुर्मू यांनी त्यांना पद आणि गोपनीयतेची शपथ दिली. यासह मोदींनी देशाचे पहिले पंतप्रधान जवाहरलाल नेहरू यांच्या सलग तीन वेळा पंतप्रधान होण्याच्या विक्रमाची बरोबरी केली. 2014 च्या लोकसभा निवडणुकीत भाजपच्या विजयानंतर मोदी पहिल्यांदाच देशाचे पंतप्रधान झाले. यानंतर 17व्या लोकसभा निवडणुकीत प्रचंड बहुमताने विजय मिळवून ते सलग दुसऱ्यांदा पंतप्रधान झाले.
1947 मध्ये स्वातंत्र्य मिळाल्यापासून नेहरू हे भारताचे सर्वात जास्त काळ पंतप्रधान राहिलेले आहेत. 27 मे 1964 रोजी त्यांचे निधन झाले आणि त्यावेळीही ते देशाचे पंतप्रधान होते. 1952 च्या पहिल्या सार्वत्रिक निवडणुका जिंकल्यानंतर ते पहिल्यांदा पंतप्रधान म्हणून निवडले गेले. यानंतर 1957 आणि 1962 च्या सार्वत्रिक निवडणुकीतही काँग्रेसचा विजय झाला आणि नेहरू पुन्हा देशाचे पंतप्रधान झाले. 2024 च्या लोकसभा निवडणुकीत भाजपला पूर्ण बहुमत मिळवता आलेले नाही. त्याला 240 जागा मिळाल्या आहेत. मात्र, भाजपच्या नेतृत्वाखालील एनडीएने 293 जागांसह बहुमताचा आकडा पार केला. यानंतर नुकतीच एनडीएच्या बैठकीत मोदींची भाजप आणि एनडीएच्या संसदीय पक्षाच्या नेतेपदी निवड करण्यात आली.
पंतप्रधान नरेंद्र मोदींसह एकूण 72 मंत्र्यांनी नरेंद्र मोदी यांच्या नेतृत्वाखालील NDA सरकारमध्ये मंत्री परिषद म्हणून शपथ घेतली. त्यानंतर मंत्रिमंडळाच्या पहिल्या बैठकीनंतर मंत्र्यांच्या खात्यांची घोषणा करण्यात आली आहे. त्यातच नितीन गडकरींना पुन्हा एकदा रस्ते वाहतूक मंत्रालय मिळाले आहे. यासोबतच अश्विनी वैष्णव यांच्याकडे रेल्वे मंत्रालयाची तर एस जयशंकर यांच्याकडे परराष्ट्र मंत्रालयाची जबाबदारी देण्यात आली आहे.
नव्या मंत्रिमंडळात कोणाला काय मिळाले?
नितीन गडकरी – रस्ते आणि वाहतूक मंत्रालय
एस जयशंकर – परराष्ट्र मंत्रालय
अश्विनी वैष्णव – रेल्वे मंत्रालय
राजनाथ सिंह – संरक्षण मंत्रालय
अमित शहा – गृह मंत्रालय
मनोहर लाल खट्टर – ऊर्जा मंत्रालय/गृहनिर्माण आणि शहरी व्यवहार मंत्रालय
शिवराज सिंह चौहान – कृषी आणि पंचायत मंत्रालय
.png "Videos"){kind=small}
