मुंबईहून आसामला जाणारं ‘विमान’, बिहारमध्ये पुलाखाली अडकलं, बघ्यांची एकच गर्दी; पाहा VIDEO

ओव्हरब्रिजखाली विमान अडकताच एकच खळबळ उडाली. विमानाचा मृतदेह ओव्हरब्रिजखाली अडकल्याने स्थानिक प्रशासनाला यावे लागले.

बिहारमधील मोतिहारी येथील राष्ट्रीय महामार्गावरील पिप्रकोठी ओव्हरब्रिजखाली शुक्रवारी (२९ डिसेंबर) सकाळी विमान अडकलं. विमान ओव्हरब्रिजखाली अडकताच एकच गोंधळ उडाला. त्याला पाहण्यासाठी आजूबाजूच्या लोकांची मोठी गर्दी झाली होती. विमान अडकल्याने NH वर सुमारे दोन तास वाहतूक विस्कळीत झाली. त्यानंतर स्थानिक प्रशासन आणि पोलिसांच्या मदतीने विमान हटवण्यात आलं.

[read_also content=”शाळेच्या सहलीच्या नावावर शिक्षिकेचे विद्यार्थ्याला वेगळेच धडे, किस करत रोमँटिक फोटोशूट; तक्रारीनंतर शिक्षिकेचं निलबंन! https://www.navarashtra.com/viral/viral-romantic-photos-of-teacher-student-in-school-picnic-in-karnataka-nrps-493422.html”]

ट्रकवर लादून नेलं जातं होतं विमान

मिळालेल्या माहितीनुसार, हे विमान मुंबईहून आसामकडे जात होतं. पण हे भंगारात काढलेलं निरुपयोगी विमान होतं. हे विमान ट्रकवर लादून आसामकडे नेण्यात येत होतं.  यादरम्यान, शुक्रवारी सकाळी विमान घेऊन जाणारा हा ट्रक पूर्व चंपारण जिल्ह्यातील NH-28 वर असलेल्या ओव्हरब्रिजखाली आला तेव्हा तो अडकला.

बर्याच प्रयत्नानंतरही विमान पुलावरून निघत नव्हतं

विमानाचा वरचा भाग ओव्हरब्रिजला धडकला आणि अडकल्याचे तिथल्या काही लोकांनी सांगितले. चालकाला उंचीचा अंदाज आला नसावा आणि त्याने ट्रक पुलाखाली धडकला. या घटनेत पूल ओलांडताना विमानाच्या शरीराचा वरचा भाग ओव्हरब्रिजमध्ये अडकला. प्रशासनाच्या वतीने खूप प्रयत्न केल्यानंतर टायरमधून हवा सोडण्यात आली आणि त्यानंतर ट्रक बाहेर निघाला.