नवी दिल्ली : लोकसभा निवडणुका (Lok Sabha Election) आटोपल्यानंतर आता केंद्रीय निवडणूक आयोगाने सात राज्यातील 13 विधानसभा जागांसाठी पोटनिवडणुकीची घोषणा केली आहे. विद्यमान सदस्यांच्या निधनामुळे किंवा राजीनामा दिल्याने रिक्त झालेल्या जागांवर पोटनिवडणूक होणार आहे.
निवडणूक आयोगाने दिलेल्या माहितीनुसार, तामिळनाडूमधील 1, मध्य प्रदेशातील 1, उत्तराखंडमधील 2, पंजाबमधील 1, हिमाचलमधील 3, बिहारमधील 1 आणि पश्चिम बंगालमधील 4 जागांवर 10 जुलै रोजी मतदान होणार आहे. त्यानंतर 13 जुलै रोजी मतमोजणी होणार आहे.
निवडणूक आयोगाच्या म्हणण्यानुसार, ज्या जागांसाठी निवडणुका होणार आहेत, त्या जागांसाठी अधिसूचना 14 जून रोजी प्रसिद्ध केली जाईल. तसेच, उमेदवारी अर्ज भरण्याची शेवटची तारीख 21 जून असणार आहे. तर 24 जून रोजी उमेदवारी अर्जाची छाननी होणार आहे. उमेदवारी अर्ज मागे घेण्याची अंतिम तारीख 26 जन असणार आहे.
.png "Videos"){kind=small}
