नवी दिल्ली : भारतीय अंतराळ संशोधन संस्था म्हणजेच इस्रोने आपल्या महत्त्वाकांक्षी चांद्रयान मोहिमेअंतर्गत 14 जुलैला चांद्रयान-3 (Chandrayaan 3) चे यशस्वी प्रक्षेपण केलं. हे यान आज 5 ऑगस्ट रोजी चंद्राच्या कक्षेत यशस्वीरित्या पोहोचलं आहे. आंध्र प्रदेशातील श्रीहरिकोटा येथून या यानाचे प्रक्षेपण झालं होतं. आता हे यान आज चंद्राच्या जवळ पोहोचणार असल्याचे सांगितले जात आहे.
चंद्राच्या 100 किमी X 100 किमी वर्तुळाकार कक्षेत आणणार आहे. यासाठी इस्रोचे शास्त्रज्ञ सकाळी साडेआठ वाजता काही काळ वाहनाचे थ्रस्टर्स फायर करतील. सध्या चांद्रयान 150 किमी x 177 किमीच्या कक्षेत आहे. 17 ऑगस्ट हा चांद्रयानसाठी खूप महत्त्वाचा दिवस आहे. या दिवशी इस्रो चांद्रयान-3 चे प्रोपल्शन मॉड्यूल लँडरपासून वेगळे करेल.
चांद्रयान-3 ने आतापर्यंत चांगला प्रवास केला आहे. 14 जुलैला चांद्रयान 3 हे यान 170 किमी x 36,500 किमीच्या पृथ्वीच्या कक्षेत प्रक्षेपित करण्यात आले. लँडर आणि रोव्हर चंद्राच्या दक्षिण ध्रुवावर उतरतील आणि 14 दिवस प्रयोग करतील. प्रोपल्शन मॉड्यूल चंद्राच्या कक्षेत राहून पृथ्वीवरून येणाऱ्या रेडिएशनचा अभ्यास करेल. या मोहिमेद्वारे इस्रो चंद्रावरील पाण्याचा शोध घेणार आहे. तसेच चंद्राच्या पृष्ठभागावर भूकंप कसे होतात हे देखील कळेल. 22 दिवसांच्या प्रवासानंतर चांद्रयान 5 ऑगस्ट रोजी संध्याकाळी 7.15 च्या सुमारास चंद्राच्या कक्षेत पोहोचले आहे.
चांद्रयान पहिल्यांदा चंद्राच्या कक्षेत दाखल झाले तेव्हा त्याची कक्षा 164 किमी x 18,074 किमी होती. कक्षेत प्रवेश करताना त्याच्या ऑनबोर्ड कॅमेऱ्यांनी चंद्राची छायाचित्रेही टिपली. इस्रोने त्याचा व्हिडिओ बनवून आपल्या वेबसाईटवर शेअर केला आहे. या चित्रांमध्ये चंद्राचे खड्डे स्पष्टपणे दिसत आहेत.
.png "Videos"){kind=small}
