CJP Delhi High Court: त्यांनी एक मिनिटही तुरुंगात राहू नये; CJPकडून सौरव आणि आशुतोष यांच्यासाठी उच्च न्यायालयात याचिका दाखल

CJP Delhi High Court : सौरव दास आणि आशुतोष रांका यांना परवानगीशिवाय जंतर मंतर परिसरात प्रवेश केल्याबद्दल १३ ऑक्टोबर रोजी प्रतिबंधात्मक अटक करण्यात आली. त्यानंतर दोघांनाही पाच दिवसांची न्यायालयीन कोठडी सुनावण्यात आली.

• सीजेपीच्या कायदे प्रमुख रत्ना सिंह यांनी दिल्ली उच्च न्यायालयात याचिका दाखल
• सौरव दास आणि आशुतोष रांका यांच्या सुटकेची मागणी
• रत्ना सिंह यांनी रात्री तातडीने सुनावणी घेण्याचे आवाहन

CJP Delhi High Court:  कॉकरोच जनता पार्टीचे प्रवक्ते आशुतोष रांका आणि सौरव दास यांची जामीन याचिका विशेष कार्यकारी दंडाधिकारी (एसईएम) न्यायालयाने फेटाळून लावत त्यांच्या कोठडीत दोन दिवसांची वाढ केली आहे. यानंतर सीजेपीच्या कायदेप्रमुख रत्ना सिंह यांनी आशुतोष आणि सौरव यांच्या वतीने थेट दिल्ली उच्च न्यायालयात याचिका दाखल करत तातडीच्या सुनावणीची मागणी केली आहे. आज रात्रीच या प्रकरणाची सुनावणी घेतली जावी, असे आवाहन रत्ना सिंह यांनी केली आहे. तसेच, सौरव दास आणि आशुतोष रांका यांनी एक मिनिटही तुरुंगात घालवू नये, असंही त्यांनी म्हटलं आहे.

रत्ना सिंह यांनी सोशल मीडियावर बोलताना सांगितले की, त्यांनी दिल्ली उच्च न्यायालयात याचिका दाखल केली असून रात्री तातडीने सुनावणी घेण्याची मागणी केली आहे. राजकीय डावपेचांमुळे दोन्ही नेत्यांचे स्वातंत्र्य हिरावून घेतले जाऊ नये, आणि त्यांची लवकरात लवकर सुटका व्हावी, अशी भूमिका त्यांनी व्यक्त केली आहे.

Abhijeet Dipke Video for Saurav and Ashutosh: तुरुंगात असलेल्या सौरव-आशुतोषसाठी अभिजीत दिपकेंची भावूक

मुख्य न्यायमूर्तींच्या कायदेशीर प्रमुखांनीही न्याय मिळावा, असे आवाहन केलं आहे. दोन्ही नेत्यांच्या सुटकेसंबंधीच्या प्रश्नांवर न्यायालय विचार करू शकेल, यासाठी त्यांच्या प्रकरणाची सुनावणी जलदगतीने व्हावी, अशी मागणी त्यांनी केली.

 

सीजेपी नेत्यांनी दिल्ली उच्च न्यायालयात धाव

मिळालेल्या वृत्तानुसार, सीजेपी कार्यकर्ते सौरभ दास आणि आशुतोष रांका यांनी त्यांच्या न्यायालयीन कोठडीला आव्हान देण्यासाठी आता दिल्ली उच्च न्यायालयात धाव घेतली आहे. सौरभ दास आणि आशुतोष रांका यांच्या वकिलांनी या प्रकरणी तातडीने सुनावणी घेण्याची मागणी केली आहे. काल, एका विशेष कार्यकारी दंडाधिकाऱ्याने दास आणि रांका यांची कोठडी २१ ऑक्टोबरपर्यंत वाढवली. यापूर्वी, आशुतोष रांका आणि सौरभ दास यांना पाच दिवसांची न्यायालयीन कोठडी सुनावण्यात आली होती. या प्रकरणातील सुनावणीनंतर, त्यांची न्यायालयीन कोठडी आणखी दोन दिवसांनी वाढवण्यात आली.

सौरव दास आणि आशुतोष रांका यांना अटक

सौरव दास आणि आशुतोष रांका यांना परवानगीशिवाय जंतर मंतर परिसरात प्रवेश केल्याबद्दल १३ ऑक्टोबर रोजी प्रतिबंधात्मक अटक करण्यात आली. त्यानंतर दोघांनाही पाच दिवसांची न्यायालयीन कोठडी सुनावण्यात आली. दिल्ली पोलिसांच्या म्हणण्यानुसार, जंतर मंतर हे आंदोलनाच्या निश्चित स्थळांच्या यादीतून वगळण्यात आले असूनही, १३ ऑक्टोबरच्या सकाळी सौरव दास, आशुतोष रांका, अजिंक्य शिंदे आणि सीजेपीचे इतर ११ सदस्य एका खाजगी जागेतून जंतर मंतर येथे पोहोचले. शांतता आणि चांगल्या वर्तणुकीच्या अटीवर अजिंक्य शिंदे यांची जामिनावर सुटका करण्यात आली. मात्र, सौरव दास आणि आशुतोष रांका पोलीस कोठडीतच आहेत.

 

विशेष कार्यकारी दंडाधिकाऱ्यांना धमकी

रविवारी सकाळी, आशुतोष रांका आणि सौरव दास यांच्या जामीन अर्जावर सुनावणी करणाऱ्या विशेष कार्यकारी दंडाधिकाऱ्यांनी दावा केला की, त्यांना अज्ञात व्यक्तींकडून धमक्या दिल्या जात आहेत. त्यानंतर, पोलिसांनी या प्रकरणात अजामीनपात्र गुन्हा दाखल केला. दरम्यान, सीजेपीचे संस्थापक अभिजित दीपके यांनी असा आरोप केला आहे की, सरकार आशुतोष रांका आणि सौरव दास यांच्या बेकायदेशीर अटकेला हेतुपुरस्सर लांबवत आहे.