Delhi Police depolyed Jantar mantar
CJP Protest : दिल्लीत उद्या (10 ऑकटोबर) कॉक्रोच जनता पार्टीकडून जोरदार आंदोलन पार पडणार आहे. मुख्य निवडणूक आयुक्त ज्ञानेश कुमार यांच्या राजीनाम्यासाठी देशभरात रान उठलेले असतानाच आता जंतर मंतर येथे आंदोलकांनी मोर्चा वळवला आहे. दिल्ली पोलिसांनी मात्र या आंदोलनाला परवानगी दिली नसून जोरदार बंदोबस्त ठेवण्यास सुरुवात केली आहे. राजधानीत दिल्ली पोलीस आणि निमलष्करी दलाचे 35 हजाराहून अधिक जवान तैनात होण्याची शक्यता वर्तवण्यात येत आहे.
आंदोलनाच्या पार्श्वभूमीवर दिल्ली पोलिसांनी आपल्या पथकांना विशेष सूचना दिल्याचं वृत्त आहे. निदर्शनांचा प्रयत्न करणाऱ्यांना ताब्यात घेण्याबाबत सूचना देण्यात आल्याचं सांगितलं जात आहे. तैनातीच्या नियोजनासंदर्भात संबंधित संचालनालयांनाही पत्रं पाठवण्यात आली आहेत.
उपलब्ध माहितीनुसार, आंदोलनाच्या वेळी तैनात होणाऱ्या केंद्रीय सशस्त्र पोलीस दलांच्या (CAPF) तुकड्यांना शस्त्रं न देण्याचे निर्देश देण्यात आले आहेत. त्याचवेळी पोलीस पथकांना लाठ्या किंवा बॅटन बाळगण्याची परवानगी असेल.
New Delhi : दिल्लीत इंटरनेट गुल्लं, मेट्रो सेवा मात्र कायम, गृहमंत्रायलयाने घेतला सीजेपीचा धसका
निदर्शकांशी शाब्दिक वाद घालू नये, अशा सूचनाही देण्यात आल्याचं वृत्त आहे. पोलिसांची प्रतिमा मलीन करणारे व्हिडिओ रेकॉर्ड करून प्रसारित करण्याचे कथित प्रयत्न होऊ शकतात, अशी शक्यता या सूचनांमागे असल्याचं सांगण्यात येत आहे.
आंदोलनादरम्यान निदर्शकांना ताब्यात घेतल्यास त्यांना सहा निश्चित ठिकाणी हलवण्याची व्यवस्था करण्यात आल्याचं सांगितलं जात आहे. यामध्ये छत्रसाल स्टेडियम, राजीव गांधी स्टेडियम, यमुना स्पोर्ट्स कॉम्प्लेक्स, सूरजमल स्टेडियम, कम्युनिटी सेंटर दौलतपूर आणि कम्युनिटी सेंटर पांड्रावल यांचा समावेश आहे.
याशिवाय उत्तर प्रदेश आणि हरियाणातून अतिरिक्त महिला पोलीस कर्मचारीही बोलावण्यात आल्याची माहिती आहे.
आंदोलनाच्या पार्श्वभूमीवर मध्य दिल्लीमध्ये अनेक फेशियल रेकग्निशन सिस्टिम्स (FRS), अतिरिक्त सीसीटीव्ही कॅमेरे आणि ड्रोनचा वापर केला जाण्याची शक्यता आहे. काही इमारतींच्या छतांवर निरीक्षक तैनात करून परिस्थितीवर लक्ष ठेवण्याचीही तयारी आहे.
या आंदोलनात विद्यार्थी संघटना आणि विविध राजकीय गट सहभागी होण्याची शक्यता व्यक्त करण्यात आली आहे. त्यामुळे दिल्ली पोलिसांकडून बंदोबस्ताचं नियोजन केलं जात आहे.
दरम्यान, CJP ने जाहीर केलेल्या आंदोलनाला परवानगी नसल्याचं दिल्ली पोलिसांनी स्पष्ट केलं आहे. आंदोलनाच्या दिवशी प्रत्यक्षात किती जवान तैनात केले जातात आणि परिस्थिती कशी राहते, याकडे लक्ष लागलं आहे.
Ans: कॉकरोच जनता पार्टीने १० ऑक्टोबर रोजी नवी दिल्लीतील जंतर-मंतरकडे मोर्चा काढण्याची घोषणा केली आहे.
Ans: उपलब्ध माहितीनुसार, दिल्ली पोलीस आणि निमलष्करी दलाचे ३५ हजारांहून अधिक जवान तैनात होण्याची शक्यता आहे. हा संभाव्य आकडा असून प्रत्यक्ष तैनातीची अधिकृत पुष्टी वेगळी असू शकते.
Ans: सीसीटीव्ही कॅमेरे, चेहरा ओळख प्रणाली, ड्रोन आणि इमारतींच्या छतांवरील निरीक्षकांच्या माध्यमातून नजर ठेवण्याची तयारी आहे. ताब्यात घेतलेल्या निदर्शकांना हलवण्यासाठी सहा निश्चित केंद्रांची व्यवस्थाही करण्यात आल्याचं वृत्त आहे.
.png "Videos"){kind=small}
