बडतर्फ IAS अधिकारी पूजा खेडकर प्रकरण; दिल्ली हायकोर्टाने दिला ‘हा’ मोठा दिलासा

२०१९, २०२१, २०२२ मध्ये व्यक्तिमत्व चाचणीवेळी गोळा केलेल्या बायोमेट्रिक डेटाद्वारे माझी ओळख व्हेरिफाय केली आहे. आयोगाने माझ्या सर्व कागदपत्रांची पडताळणी केलेली आहे. त्यामुळे आयोगाला माझ्यावर कारवाई करण्याचा अधिकार नसल्याचे पूजा खेडकरचे म्हणणे आहे.

बडतर्फ IAS अधिकारी पूजा खेडकरला हायकोर्टाचा दिलासा ( फोटो-टीम नवराष्ट्र)

Follow Us:

Follow Us:

राज्यात सध्या वादग्रस्त प्रशिक्षणार्थी आयएएस अधिकारी पूजा खेडकर प्रकरण चांगलेच चर्चेत आहे.  दरम्यान तिच्यावर बनावट प्रमाणपत्र तयार करून या सेवेत आल्याचा आरोप आहे. पूजा खेडकरवर दिल्ली हायकोर्टात सुनावणी सुरू आहे. दरम्यान दिल्ली हायकोर्टात पूजा खेडकरच्या अंतरिम जामिनावर सुनावणी पार पडली. पूजा खेडकर यांच्या वकिलांनी उत्तर दकाहल करण्यासाठी कोर्टाकडे थोडा अधिक कालावधी मागितला आहे. त्यामुळे आता पूजा खेडकरला ४ ऑक्टोबरपर्यंत अटकेपासून दिलासा मिळाला आहे. हायकोर्टाने ४ तारखेपर्यंत उत्तर सादर करण्यास वेळ दिला आहे.

याआधी ५ सप्टेंबर रोजी झालेल्या सुनावणीत एम्समध्ये अपंगत्वाची तपासणी करण्यास तयार असल्याचे पूजा खेडकरने कोर्टाला सांगितले होते. पूजा खेडकरने यूपीएससीला सादर केलेल्या दोन अपंगत्व प्रमाणपत्र यांच्यापैकी एक प्रमाणपत्र बनावट असल्याचा संशय असल्याचे दिल्ली पोलिसांनी आपल्या अहवालात हायकोर्टाला सांगितले होते. दरम्यान १९ सप्टेंबर रोजी हायकोर्टाने यूपीएससीने दाखल केलेल्या याचिकेवर नोटिस बजावली आणि २६ सप्टेंबरपर्यंत उत्तर देण्यास सांगितले होते.

दिल्ली पोलिसांनी ४ सप्टेंबर रोजी पूजा खेडकर प्रकरणात दिल्ली हायकोर्टात अहवाल सादर केला. निलंबित प्रशिक्षणार्थी आयएएस अधिकारी पूजा खेडकरने दोन अपंगत्व प्रमाणपत्र सादर केली होती. त्यापैकी एक बनावट असल्याचा पोलिसांना संशय आहे. दरम्यान ३१ जुलै रोजी यूपीएससीने पूजा खेडकरची निवड रद्द केली होती. त्यानंतर तिला भविष्यात कोणतीही परीक्षा देण्यास बंदी घातली होती. आयोगाने पूजा खेडकरविरुद्ध दिल्ली पोलिसांकडे देखील गुन्हा दाखल केला होता.

या प्रकरणात यूपीएससीला माझ्यावर कारवाई करण्याचा अधिकार नसल्याचा दावा पूजा खेडकरने दिल्ली हायकोर्टमध्ये केला होता.  २०१९, २०२१, २०२२ मध्ये व्यक्तिमत्व चाचणीवेळी गोळा केलेल्या बायोमेट्रिक डेटाद्वारे माझी ओळख व्हेरिफाय केली आहे. आयोगाने माझ्या सर्व कागदपत्रांची पडताळणी केलेली आहे. त्यामुळे आयोगाला माझ्यावर कारवाई करण्याचा अधिकार नसल्याचे पूजा खेडकरचे म्हणणे आहे.

या सर्व प्रकरणाची दिल्ली हायकोर्टात सुनावणी सुरू आहे. दरम्यान या प्रकरणात हायकोर्टाने पूजा खेडकरला अंतरिम जामीन दिला होता. दिल्ली पोलिसांनी सादर केलेल्या स्टेटस रिपोर्टनुसार पूजा खेडकरने २०२२ आणि २०२४ मध्ये अहमदनगरच्या वैद्यकीय प्राधिकरणाकडून मिळवलेली दोन अपंगत्व प्रमाणपत्रे ही  बनावट असू शकतात.  पण त्यांची वैद्यकीय प्राधिकरणाकडून पडताळणी केली असता त्यांनी हे प्रमाणपत्र देण्यास नकार दिला. त्यामुळे पूजा खेडकर दावा करत असलेले अपंगत्व प्रमाणपत्र वैद्यकीय प्राधिकरणाकडून देण्यात आलेले नसावे, असे प्राधिकरणाने  म्हटले आहे.

तसेच, आपण सिव्हिल सर्जन कार्यालयातील नोंदीनुसार अपंगत्व प्रमाणपत्र दिले नसल्याचा दावाही वैद्यकीय प्राधिकरणाकडून करण्यात आला आहे. त्यामुळे अपंगत्वाचे प्रमाणपत्र हे बनावट असल्याचेही प्राधिकरणाने आपल्या उत्तरात म्हटले आहे. त्यामुळे पुजा खेडकरने सादर केलेले प्रमाणपत्र हे बनावट असल्याची शक्यता  शक्यता वैद्यकीय अधिकाऱ्यांनी व्यक्त केली.

Web Title: Controversial ias pooja khedkar relief from arrest by delhi high court

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com