बुधवार, 11 नोव्हेंबर 2026
African Students Recreate Shivaji Maharaj and Afzal Khan's Historic ( आफ्रिकन विद्यार्थ्यांनी शिवाजी महाराज आणि अफझल खान यांच्या ऐतिहासिक घटनेची पुनर्रचना केली)
काल १० नोव्हेंबर! छत्रपती शिवाजी महाराजांच्या पराक्रमाची साक्ष देणारा ऐतिहासिक दिवस होता. याच दिवशी प्रतापगडाच्या पायथ्याशी छत्रपती शिवाजी महाराज आणि अफजल खान यांची ऐतिहासिक भेट झाली होती. याभेटी दरम्यान छत्रपती शिवाजी महाराजांनी दाखवलेले शौर्य आणि प्रसंगावधान, बुद्धिमत्ता आणि स्वराज्याप्रती असलेली निष्ठा इतिहासात सुवर्णाक्षरांनी कोरली गेली आहे.
भारतापासून दूर आफ्रिकेतील युगांडा देशात कुठेतरी जेव्हा महाराजांचा इतिहास तिथल्या मुलांना सांगितला जातो, तेव्हा नक्कीच ऊर अभिमानाने भरून येतो.
क्रेडिट: अभिजित कलशेट्टी
#जयशिवराय https://t.co/JC1zxCqBg0 — Engineer (@Engg_suraj3) November 10, 2026
भारतापासून हजारो किलोमीटर दूर आफ्रिकेतील युगांडाच्या एका शाळेमध्ये छत्रपती शिवाजी महाराजांच्या जीवनावर आधारित एक व्हिडिओ तयार करण्यात आला आहे. या व्हिडिओच्या माध्यमातून तेथील शाळेतल्या मुलांना छत्रपती शिवाजी महाराज आणि अफजल खान यांच्या ऐतिहासिक प्रसंगाची माहिती देण्यात आली. तसेच तेथील मुलांना महाराजांचे आदर्श, संस्कार, शौर्य, दूरदृष्टी, न्यायप्रियता, स्त्रियांचा सन्मान आणि स्वराज्य स्थापनेमागील विचार समजावून सांगितले गेले आहे.
Amravati Viral Video : साधी रिक्षा,पण इंग्रजी एकदम भारी! अमरावतीच्या काकांची सोशल मीडियावर हवा
मिळालेल्या माहिती नुसार युगांडाच्या शाळेतल्या कलाकारांनी छत्रपती शिवाजी महाराज आणि अफजल खान यांच्या भूमिका साकारून हा ऐतिहासिक प्रसंग जिवंत केला. या बद्दल त्यांचे मनापासून कौतुक आणि आभार केले पाहिजे. छत्रपती शिवाजी महाराजांचे विचार आणि आदर्श भारताच्या सीमा ओलांडून जगभरातील नव्या पिढीपर्यंत पोहोचत आहेत, यापेक्षा अभिमानाची गोष्ट कोणती असू शकते.
