Maharashtra Politics: शिवसेनेच्या ‘या’ निर्णयामुळे NDA साठी उपराष्ट्रपतीपदाची निवडणूक सोपी होणार; काय म्हणाले एकनाथ शिंदे?

ते पुढे म्हणाले की एनडीए स्थापन होण्यापूर्वीपासून शिवसेना आणि भाजपची युती आहे. ‘एनडीए’मधील सर्वात जुना आणि विश्वासार्ह मित्र म्हणून शिवसेनेची ओळख आहे. हिंदुह्दयसम्राट बाळासाहेब ठाकरे यांची शिवसेना आणि भाजपा युतीला २५ वर्ष पूर्ण झाली. याबाबत बैठकीत चर्चा झाली. ‘एनडीए’ची मंगळवारी बैठक झाली. या बैठकीला खासदार डॉ. श्रीकांत शिंदे उपस्थित होते, असे ते म्हणाले. उपराष्ट्रपती पदाच्या निवडणुकीत शिवसेनेचा एनडीएला भक्कम पाठिंबा असेल, असे उपमुख्यमंत्री शिंदे यांनी यावेळी सांगितले. विधानसभा निवडणुकीला महायुती म्हणून यश मिळालं त्याप्रमाणे आगामी स्थानिक स्वराज्य संस्थांच्या निवडणुका महायुती म्हणूनच लढणार, असे उपमुख्यमंत्री शिंदे म्हणाले.

माधुरी हत्तीणबाबत राज्य सरकार सर्वोच्च न्यायालयात फेरविचार याचिका दाखल करणार आहे. यात राज्य सरकार आणि वनतारा पक्षकार होतील. या प्रकरणी जनभावना लक्षात घेत सरकार त्याचा आदर करेल, असे उपमुख्यमंत्री शिंदे म्हणाले. दिल्लीत अधिवेशन सुरु असून येथे येऊन खासदारांना भेटलो, आपण लपूनछपून काही करत नाही, असा टोला उपमुख्यमंत्री शिंदे यांनी उबाठाला लगावला.

Eknath Shinde Delhi Tour: नाराजी,वाद, आरोप-प्रत्यारोप; एकाच आठवड्यात एकनाथ शिंदे दिल्ली दौऱ्यावर

शिंदे यांच्या विभागावर लगाम

मुख्यमंत्री कार्यालय सरकारच्या सर्व कामांवर विशेष लक्ष ठेवून आहे. कोणत्याही मोठ्या प्रकल्पाच्या फाईलला हिरवा कंदील देण्यापूर्वी मुख्यमंत्र्यांची परवानगी अनिवार्य करण्यात आली आहे. शिंदे यांच्या नगरविकास विभागाकडून जाहीर करण्यात येणाऱ्या रकमेची फाईलही मुख्यमंत्र्यांकडे पाठवावी लागेल. आता मुख्यमंत्र्यांच्या मंजुरीनंतरच आमदारांना निधी वितरित करता येईल. निधी वाटपात शिंदे केवळ त्यांच्या पक्षाच्या आमदारांना प्राधान्य देत असल्याचा आरोप होता.

संबंधित बातम्या