भारतीय तटरक्षक दलाचे संचालक राकेश पाल
नवी दिल्ली: भारतीय तटरक्षक दलाचे महासंचालक राकेश पाल यांचे हृदयविकाराच्या झटक्याने निधन झाले आहे. चेन्नईतील रुग्णालयात त्यांनी अखेरचा श्वास घेतला. त्यांचे पार्थिव आज दिल्ली आणले जाणार आहे. मिळालेल्या माहितीनुसार संरक्षण मंत्री राजनाथ सिंह (18 ऑगस्ट) एका कार्यक्रमात सहभागी होण्यासाठी चेन्नईत आले होते. याठिकाणी तटरक्षक दलाच्या सागरी बचाव केंद्राच्या नवीन इमारतीचे उद्घाटन होणार होते. याबाबत राकेश पाल चेन्नईत तटरक्षक दलाच्या अधिकाऱ्यांची बैठक घेत होते. बैठकीदरम्यान त्यांना अचानक अवस्थ वाटू लागले. त्यानंतर त्यांना तातडीने राजीव गांधी रुग्णालयात दाखल करण्यात आले. पण उपचारादरम्यान त्यांची प्राणज्योत मालवली.
संरक्षण मंत्री राजनाथ सिंह यांनी शोक व्यक्त केला
राजनाथ सिंह यांनी सोशल मीडिया प्लॅटफॉर्म एक्सवर ट्वीट करत म्हटले आहे की, “चेन्नई येथील भारतीय तटरक्षक दलाचे महासंचालक राकेश पाल यांच्या अकाली निधनाने खूप दुःख झाले. ते एक सक्षम आणि वचनबद्ध अधिकारी होते, त्यांच्या नेतृत्वाखाली ICG भारताची सागरी सुरक्षा मजबूत करण्यात मोठी प्रगती करत होते. त्यांच्या कुटुंबीयांप्रती माझी संवेदना आहे.” तसेच संरक्षण मंत्री राजनाथ सिंह यांच्यासह तामिळनाडूचे मुख्यमंत्री एम. के. स्टॅलिन यांनी हॉस्पिटलला भेट देऊन राकेश पाल यांना श्रद्धांजली वाहिली.
Deeply saddened at the untimely demise of Shri Rakesh Pal, DG, Indian Coast Guard in Chennai today. He was an able and committed officer under whose leadership ICG was making big strides in strengthening India’s maritime security. My heartfelt condolences to his bereaved family.
— Rajnath Singh (@rajnathsingh) August 18, 2024
भारतीय नौदलाने शोक व्यक्त केला
त्याचवेळी भारतीय नौदलानेही राकेश पाल यांच्या निधनावर शोक व्यक्त केला आहे. भारतीय नौदलाने म्हटले आहे की, “नौदल प्रमुख ॲडमिरल दिनेश त्रिपाठी यांच्यासह भारतीय नौदलाच्या सर्व सदस्यांनी महासंचालक राकेश पाल यांच्या निधनाबद्दल तीव्र शोक व्यक्त करत आहोत. भारतीय नौदलाने त्यांच्या कुटुंबीयांप्रती संवेदना व्यक्त केल्या आहेत. या दुःखाच्या प्रसंगी भारतीय नौदल त्यांच्या कुटुंबासोबत आहे.’
Adm Dinesh K Tripathi #CNS and all personnel of #IndianNavy express profound grief & heartfelt condolences on the untimely demise of Director General Rakesh Pal, @IndiaCoastGuard.
Indian Navy stands in grief with the bereaved family. https://t.co/f0fvpnI4gV— SpokespersonNavy (@indiannavy) August 18, 2024
कोण होते राकेश पाल?
राकेश पाल हे मूळचे उत्तर प्रदेशाचे रहिवासी होते. 2023 मध्ये त्यांची भारतीय तटरक्षक दलाचे (ICG) चे 25 वे महासंचालक म्हणून नियुक्ती करण्यात आली होती. ते भारतीय नौदल अकादमीचे माजी विद्यार्थी होते. राकेश पाल हे जानेवारी 1989 मध्ये भारतीय तटरक्षक दलात रुजू झाले होते. त्यांनी द्रोणाचार्य, इंडियन नेव्हल स्कूल, कोची आणि यूकेमधील इलेक्ट्रो-ऑप्टिक्स फायर कंट्रोल सोल्यूशन कोर्समधून तोफखाना आणि शस्त्रास्त्र प्रणालींमध्ये व्यावसायिक कौशल्य प्राप्त केले. त्यांनी कोस्ट गार्ड मुख्यालय, ICGS विजित, ICGS सुशेथा कृपलानी, ICGS अकालीबाई आणि ICGS येथे संचालक म्हणून आणि प्रधान संचालक अशी विविध प्रतिष्ठित पदे भूषवली आहेत. तसेच त्यांनी आईसीजीएस सी-03 चे देखील नेतृत्व संभाळले होते.
.png "Videos"){kind=small}
