ईडीचे मुंबई, फिरदाबादमध्ये छापेमारी
मुंबई : अंमलबजावणी संचालनालयाने (ईडी) सरकारी ब्रॉडकास्ट इंजिनिअरिंग कन्सल्टंट्स इंडिया लिमिटेडच्या (बीईसीआयएल) माजी सीएमडी आणि इतर व्यक्तींविरुद्ध मनी लाँड्रिंगची चौकशी सुरू केली आहे. एजन्सी मुंबईतील सात आणि फरिदाबादमधील एका जागेवर छापेमारी करण्यात आली. आरोपींविरुद्ध सीबीआयने दाखल केलेल्या भ्रष्टाचाराच्या गुन्ह्यातून ही चौकशी सुरू आहे.
पुणे महानगरपालिकेच्या घनकचरा व्यवस्थापन प्रकल्पांसाठी बीईसीआयएलने टीजीबीएलला केलेल्या 50 कोटी रुपयांच्या देयकात कथित अनियमितता झाल्याचा तपासात समावेश आहे. टीजीबीएलला अनुकूलता दाखवण्यासाठी सीएमडी आणि जीएम यांना कमिशन मिळाल्याचा आरोप आहे, तर कनकिया यांनी कर्जाच्या निधीचा गैरवापर वैयक्तिक वापरासाठी केला, ज्यामध्ये दिल्लीतील पृथ्वीराज रोडवरील बंगल्याचे नूतनीकरण व बांधकाम आणि मुंबईतील ‘वन बीकेसी’ येथील त्यांच्या कॉर्पोरेट कार्यालयाचा समावेश होता.
बीईसीआयएलला 80 कोटींचे कर्ज मंजूर
माहिती आणि प्रसारण मंत्रालयाचे सहसचिव आणि मुख्य दक्षता अधिकारी यांच्या तक्रारीनंतर ही चौकशी सुरू झाली. इंडियन रिन्यूएबल एनर्जी डेव्हलपमेंट एजन्सी लिमिटेड (आयआरईडीए) या सरकारी संस्थेने कचरा व्यवस्थापन, एलईडी स्मार्ट लाइटिंग आणि स्मार्ट मीटरिंगसह विविध प्रकल्पांसाठी बीईसीआयएलला 80 कोटी रुपयांचे कर्ज मंजूर केले, असे तक्रारीत दिसून आले.
बनावट बँक हमी
बीईसीआयएलने पुणे महानगरपालिकेच्या घनकचरा व्यवस्थापन कामांसाठी टीजीबीएल, मुंबई सोबत करार केला. बीईसीआयएलने योग्य सुरक्षा न देता टीजीबीएलला तीन हप्त्यांमध्ये 50 कोटी रुपये दिले. आरोपींनी बनावट बँक हमी सादर केली आणि निधीचा गैरवापर केला. टीजीबीएल प्रकल्प सुरू करण्यात किंवा निधी परत करण्यात अयशस्वी ठरले, ज्यामुळे बीईसीआयएलचे आर्थिक नुकसान झाले.
.png "Videos"){kind=small}
