आता गर्भवती महिलांच्या पतींचीही होणार ‘HIV’ आणि ‘सिफलिस’ चाचणी; ‘या’ सरकारचा मोठा निर्णय, पाहा काय आहे नवी पॉलिसी

राज्यातील गर्भवती महिलांसोबतच आता त्यांच्या पतींचीही 'एचआयव्ही' आणि 'सिफलिस' (Syphilis) चाचणी अनिवार्य करण्याचा निर्णय सरकारने घेतला आहे.

• आता गर्भवती महिलांच्या पतींचीही होणार ‘HIV’ आणि ‘सिफलिस’ चाचणी
• ‘या’ सरकारचा मोठा निर्णय
• पाहा काय आहे नवी पॉलिसी

देशातील एड्स (HIV AIDS) आणि इतर गंभीर आजारांचा प्रसार रोखण्यासाठी हरियाणा सरकारने एक अत्यंत महत्त्वपूर्ण पाऊल उचलले आहे. राज्यातील गर्भवती महिलांसोबतच आता त्यांच्या पतींचीही ‘एचआयव्ही’ आणि ‘सिफलिस’ (Syphilis) चाचणी अनिवार्य करण्याचा निर्णय सरकारने घेतला आहे. आईकडून बाळाला होणारा संसर्ग रोखणे आणि सुरक्षित मातृत्वाला चालना देणे हा यामागील मुख्य उद्देश आहे.

‘हरियाणा राज्य एड्स नियंत्रण सोसायटी’च्या बैठकीत शिक्कामोर्तब

चंदीगड येथे पार पडलेल्या हरियाणा राज्य एड्स नियंत्रण सोसायटीच्या (HSACS) 23 व्या वर्किंग कमिटीच्या बैठकीत या धोरणावर अंतिम चर्चा करण्यात आली. आरोग्य व कुटुंब कल्याण विभागाच्या अतिरिक्त मुख्य सचिव डॉ. सुमिता मिश्रा यांच्या अध्यक्षतेखाली झालेल्या या बैठकीत, राज्यातील नोकरीपेशा महिलांसाठी ‘एचआयव्ही एड्स कार्यस्थळ धोरण’ लागू करण्याचा निर्णय घेण्यात आला. यानुसार, आता गर्भवती महिलांच्या पतींची तपासणी करणे प्रशासनासाठी बंधनकारक असेल.

‘या’ निर्णयामुळे गर्भस्थ बाळाचे आरोग्य राहणार सुरक्षित

सरकारने हे धोरण लागू करण्यामागे वैज्ञानिक आणि आरोग्यविषयक कारणे स्पष्ट केली आहेत. आईकडून बाळाला एचआयव्ही आणि सिफलिस यांसारख्या आजारांचा होणारा संसर्ग वेळीच रोखता येईल. राष्ट्रीय एड्स नियंत्रण संघटनेने (NACO) यावर्षी हरियाणात सुमारे 6 लाख (5,95,880) चाचण्यांचे लक्ष्य ठेवले आहे. भविष्यात दरवर्षी 12 लाख चाचण्या करण्याचे सरकारचे नियोजन आहे. गर्भस्थ बाळाला या दोन्ही जीवघेण्या आजारांपासून सुरक्षित ठेवण्यासाठी पतीची आरोग्य स्थिती जाणून घेणे आवश्यक असल्याचे तज्ञांचे मत आहे.

सुप्रीम कोर्टाचा ऐतिहासिक निर्णय! ३२ वर्षांनंतर जोडप्याला घटस्फोट, एकाच दिवशी ६१ खटले निकाली

47 कोटींचा निधी आणि पंचकुलात नवीन अत्याधुनिक लॅब

या मोहिमेसाठी सरकारने सन २०२६-२७ या आर्थिक वर्षासाठी 47.16 कोटी रुपयांच्या बजेटला मंजुरी दिली आहे.

1. नवी प्रयोगशाळा: सध्या रोहतक येथील पीजीआयएमएस (PGIMS) मध्ये एक लॅब कार्यरत आहे, जी १७ जिल्ह्यांना सेवा देते. आता पंचकुला येथे दुसरी अत्याधुनिक ‘HIV व्हायरल लोड लॅब’ उभारण्याच्या प्रस्तावाला मंजुरी देण्यात आली आहे.

2. डिजिटल मॉनिटरिंग: बाधित व्यक्तींच्या (PLHIV) उपचारांवर लक्ष ठेवण्यासाठी व्हॉईस मेसेज आणि अलर्ट सिस्टीम विकसित केली जाणार आहे. यामुळे रुग्णांना वेळेवर औषधे आणि फॉलो-अपची आठवण करून दिली जाईल.

एचआयव्ही आणि सिफलिस म्हणजे नक्की काय?

• HIV: हा विषाणू शरीरातील रोगप्रतिकारशक्तीवर (White Blood Cells) हल्ला करतो. यामुळे शरीर कमकुवत होऊन टीबी, कॅन्सर किंवा इतर गंभीर संसर्ग होण्याचा धोका वाढतो. उपचार न मिळाल्यास याचे रूपांतर ‘एड्स’मध्ये (AIDS) होते.
• सिफलिस (Syphilis): हा एक गंभीर लैंगिक संक्रमित आजार (STI) आहे, जो ‘ट्रेपोनेमा पॅलिडम’ नावाच्या बॅक्टेरियामुळे पसरतो. योग्य वेळी निदान झाल्यास यावर उपचार शक्य आहेत.

आता नो टेन्शन…! जनगणना २०२७ मध्ये ऑनलाईन पोर्टलव्दारे होणार स्वगणना, काय आहे याची प्रक्रिया? जाणून घ्या स्टेप्स