छठ पूजेसाठी भारतीय रेल्वेची तयारी; तब्बल 12000 हून अधिक विशेष गाड्या धावणार, सुरक्षेसाठी...
नवी दिल्ली : दिवाळीच्या सणानिमित्त हजारो प्रवासी रेल्वे, बस असो वा विमान प्रवासाला प्राधान्य देताना दिसतात. त्यातच आता छठ पूजेच्या निमित्ताने या दिवसांत गाड्यांमध्ये प्रचंड गर्दी होत आहे. त्यामुळे रेल्वे स्थानकांवर मोठी गर्दी होते. छठ पूजा आणि इतर सणांमध्ये प्रवाशांची गर्दी हाताळण्यासाठी रेल्वे बोर्डाने विशेष तयारी केली आहे. त्यानुसार, तब्बल 12000 हून अधिक विशेष गाड्या धावणार आहेत. तर या प्रवाशांच्या सुरक्षेसाठी 900 हून अधिक सीसीटीव्ही कॅमेरे बसवण्यात आले आहेत.
याबाबत रेल्वे अधिकाऱ्यांनी सांगितले की, रेल्वेमंत्र्यांच्या सूचनेनुसार, देशभरात 12000 हून अधिक विशेष गाड्या चालवल्या जात आहेत. यामध्ये पूर्व किनारी रेल्वेद्वारे चालवल्या जाणाऱ्या ३६७ विशेष गाड्यांचा समावेश आहे, त्यापैकी ७६ आधीच सुरू झाल्या आहेत आणि ७८००० हून अधिक प्रवाशांनी त्यांचा लाभ घेतला आहे. या गर्दीमुळे कोणताही अनुचित प्रकार घडू नये म्हणून सुरक्षा सुनिश्चित करण्यासाठी रेल्वे संरक्षण दल (आरपीएफ) आणि इतर अधिकारी सर्व स्थानकांवर तैनात करण्यात आले आहेत. 900 हून अधिक सीसीटीव्ही कॅमेरे देखील स्थानकांवर लक्ष ठेवून आहेत.
दरम्यान, बिहारमधील वैशाली येथील पूर्व मध्य रेल्वेच्या अधिकाऱ्यांनी सांगितले की, छठपूजेच्या पार्श्वभूमीवर ईसीआरकडून १८०० हून अधिक विशेष गाड्या चालवल्या जात आहेत. इतर रेल्वे झोनमधूनही बिहारमध्ये हजारो गाड्या चालवण्यात आल्या आहेत. प्रवाशांच्या सोयीसाठी स्थानकांवर प्रतीक्षा कक्ष बांधले जात आहेत जेणेकरून ते आरामात राहू शकतील. गर्दी हाताळण्यासाठी पुरेशी मार्ग व्यवस्था केली जात आहे आणि गरजेनुसार अतिरिक्त गाड्या चालवल्या जातील.
छठपूजेदरम्यान प्रवाशांची प्रचंड गर्दी लक्षात घेता, रेल्वेने व्यापक तयारी केली आहे. पूर्व किनारपट्टी रेल्वेने ३६७ विशेष गाड्यांपैकी ७६ गाड्या आधीच सुरू केल्या आहेत. देशभरात १२००० हून अधिक विशेष गाड्या चालवल्या जात आहेत. सुरक्षेसाठी सर्व प्रमुख स्थानकांवर रेल्वे संरक्षण दल आणि अधिकारी तैनात करण्यात आले आहेत.
.png "Videos"){kind=small}
