उत्तर प्रदेशच्या प्रयागराजमध्ये महाकुंभ सुरू आहे. लाखो भाविक हे देश-विदेशातून प्रयागराजमध्ये दाखल होत आहेत. मात्र प्रयागराजमधून एक वाईट बातमी समोर येत आहे. प्रयागराज मार्गावर उभ्या असणाऱ्या ट्रकला भविकांच्या वाहनाने जोरदार धडक दिली आहे. या भीषण धडकेत 5 भविकांचा जागीच मृत्यू झाल्याचे समजते आहे.
वाराणसी जिल्ह्यातील रूपापूर या भागात हा भीषण अपघात झाला आहे. वाराणसी जिल्ह्यातील मिर्झामुराद पोलिस ठाण्याअंतर्गत भाजी मंडईच्या पुढे रुपापूर शिवम पब्लिक स्कूलच्या जवळ हा भीषण अपघात झाला आहे.
बातमी अपडेट होत आहे.
महाकुंभला जाणाऱ्या भाविकांवर काळाचा घाला
प्रयागराजमध्ये एक भीषण अपघात घडली आहे. बोलेरो गाडी आणि बसची धडक झाली आहे. या भीषण अपघातामध्ये 10 प्रवाशांचा मृत्यू झाला आहे. तर 19 प्रवाशी जखमी झाले आहेत. मृत्यूमुखी पडलेले सर्व प्रवासी बोलेरोमधून प्रवास करत होते. अपघाताची माहिती कळताच पोलिस प्रशासन घटनास्थळी दाखल झाले आणि त्यांनी पुढील कारवाईस सुरुवात केली. रुग्णवाहिका घटनास्थळी दाखल झाल्या. जखमी प्रवाशांना उपचारांसाठी रुग्णालयात दाखल करण्यात आले आहे.
प्रयागराज- मिर्झापुर हायवेवर बोलेरो आणि बसचा भीषण अपघात झाला. छत्तीसगडमधील भाविक महाकुंभमध्ये स्नान करण्यासाठी प्रयागराजच्या दिशेने चालले होते. मात्र काळाने त्यांच्यावर महाकुंभला जाण्याआधीच घाला घातला आहे. यामध्ये 19 प्रवासी जखमी झाले आहेत. हे 19 प्रवासी बसमधून प्रवास करत होते. हे सर्व प्रवासी मध्यप्रदेशमधील राजगड जिल्ह्यात राहणारे प्रवासी होते.
.png "Videos"){kind=small}
