Accident News : स्टेअरिंग जाम झाल्याने बस उलटून अपघात; 7 जण गंभीर जखमी तर 31 प्रवासी…

गडचिरोली डेपोतून एमएच-०६-८८४८ क्रमांकाची बस चामोर्शी मार्गाने जात असताना शिवनी येथील नवीन पुलाजवळ बस पलटी झाली. या अपघातात 38 प्रवासी जखमी झाले असून, यातील 7 प्रवासी गंभीर तर 31 प्रवाशांना किरकोळ दुखापत झाली.

गडचिरोली : गडचिरोली बसस्थानकातून चामोर्शी जाण्यासाठी निघालेली बस शिवनी येथील नवीन पुलाजवळ बसची स्टेअरिंग जाम झाल्याने बस पलटी झाली. या अपघातात 38 प्रवासी जखमी झाले असून, यातील 7 प्रवासी गंभीर तर 31 प्रवाशांना किरकोळ दुखापत झाली. सुदैवाने या अपघातात कोणतीही जीवितहानी झाली नाही. ही घटना शुक्रवारी दुपारच्या सुमारास घडली.

गडचिरोली डेपोतून एमएच-०६-८८४८ क्रमांकाची बस चामोर्शी मार्गाने जात असताना शिवनी येथील नवीन पुलाजवळ बस पलटी झाली. या अपघातात 38 प्रवासी जखमी झाले असून, यातील 7 प्रवासी गंभीर तर 31 प्रवाशांना किरकोळ दुखापत झाली. सुदैवाने या अपघातात कोणतीही जीवितहानी झाली नाही. यातील जखमींवर जिल्हा रुग्णालयात उपचार सुरू असून, अपघाताची माहिती मिळताच घटनास्थळी तातडीने १० अॅम्बुलन्स, चार पोलिस वाहने पोहोचून सर्व जखमींना तातडीने जिल्हा सामान्य रुग्णालयात दाखल करण्यात आले.

मोबाईलने केला घात ! लक्ष भरकटलं अन् थेट छतावरून खाली कोसळला तरुण; अंगाचा थरकाप उडवणारा Video Viral

याप्रकरणी गडचिरोली पोलिसात अपघाताची नोंद करण्यात आली, अपघातस्थळी व जिल्हा सामान्य रूग्णालयात अप्पर पोलिस अधीक्षक गोकुळराज, सहाय्यक पोलिस अधीक्षक अनिकेत हिरडे यांनी भेट देऊन जखमींचे विचारपूस केली. या घटनेची पुढील तपास पोलिस निरीक्षक विनोद चव्हाण यांच्या मार्गदर्शनात सुरू आहे.

सहपालकमंत्र्यांनी घेतली जखमींच्या प्रकृतीची माहिती

बस अपघातातील जखमी प्रवाशांच्या प्रकृतीची माहिती सहपालकमंत्री अॅड. आशिष जयस्वाल यांनी जिल्हा शल्य चिकित्सक डॉ. रवी गावंडे यांच्याकडून घेतली. जखमींवर योग्य उपचार करून त्यांच्या प्रकृतीवर सातत्याने लक्ष ठेवण्याच्या सूचना त्यांनी यावेळी दिल्या.

सुपे घाटातही झाला होता अपघात

बारामती तालुक्यातील सुपे घाटात विद्यार्थ्यांना घेऊन जाणाऱ्या एसटी बसला बुधवारी (दि. १६) सकाळी अपघात झाला. विद्या प्रतिष्ठान इंग्लिश मीडियम स्कूलच्या विद्यार्थ्यांना घेऊन जाणारी ही बस घाटातील पहिल्या वळणावर नियंत्रण सुटल्याने पलटी झाली. या बसमध्ये सुमारे ६० ते ७० विद्यार्थी-विद्यार्थिनी प्रवास करत होते. अपघातात चार विद्यार्थी जखमी झाले असून, त्यांना तातडीने लोणी काळभोर येथील विश्वराज हॉस्पिटलमध्ये दाखल करण्यात आले आहे.