१ नवरा, २ बायका... दोन्ही प्रेयसींसोबत तरुणाने बांधली गाठ, दोन्ही कुटुंबांच्या संमतीने पार पडलं लग्न
सामान्यतः जिथे एक नवरदेव एकाच नवरीसोबत सप्तपदी घेतो, तिथे २४ मार्च रोजी एका तरुणाने एकाच वेळी दोन तरुणींसोबत सप्तपदी घेतली. हे लग्न पारंपरिक पद्धतीने पार पडले, ज्यामध्ये मोठ्या संख्येने ग्रामस्थ सहभागी झाले होते. नवरदेवाचे गेल्या तीन वर्षापासून दोन्ही तरुणींसोचत प्रेमसंबंध होते आणि या दोन्ही तरुणींना हे माहित होते. हे लग्न तिन्ही कुटुंबांच्या आपसी संमतीने झाले, ज्याला समाजानेही स्वीकारले. त्यानंतर दोन्ही प्रेयसींसोबत तरुणाने लग्नाची गाठ बांधली. हे आहेत नवरदेव-नवरी: नवरदेव हितेश पिता गजेंद्र यादव हा बेलगाव, कोंडागाव येथील रहिवासी आहेत.
कायदेशीर पेच
या लग्नाने पुन्हा एकदा परंपरा आणि कायदा यांच्यातील वादाला जन्म दिला आहे. हिंदू विवाह कायद्यानुसार जोपर्यंत पहिल्या पत्नीशी विधिवत घटस्फोट झालेला नसेल, तर एक व्यक्ती एका वेळी दोन लग्ने करू शकत नाही, त्यामुळे त्यांच्या लग्नाने कायदेशीर पेच निर्माण झाला आहे.
Mann ki baat today : “सध्याच्या परिस्थितीमध्ये राजकारण नका करु…; PM मोदींचे ‘मन की बात’मधून आवाहन
पत्रिकेवरही होती दोन्ही नवरींची नावे
अशा प्रकारचे लग्न क्वचितच पाहायला मिळते. आता या अनोख्या लग्नाचे फोटो इंटरनेट मीडियावर वेगाने व्हायरल होत आहेत. नवरदेव हितेश यादव हा शेतकरी आहे. त्याने लग्नाआधी रीतसर पत्रिकाही छापली होती, ज्यामध्ये दोन्ही नवरींची नावे अंकित होती. हळदीपासून ते विवाह आणि त्यानंतर पाटींपर्यंत सर्व कार्यक्रम उत्साहात पार पडले. नवरदेव आणि दोन्ही नवरींनी डीजेच्या तालावर मनसोक्त डान्स केला. तर गावातील लोकांनीही या अनोख्या लग्नाचा उत्सव साजरा केला.
.png "Videos"){kind=small}
