'ऑपरेशन सिंदूर'नंतरही कुरापती सुरुच; पाकिस्तानी सैन्याच्या गोळीबारात एक भारतीय जवान शहीद
LoC firing April 2025 : पाकिस्तानने पुन्हा एकदा नियंत्रण रेषेवर (LoC) शस्त्रसंधीचे उल्लंघन करत जम्मू आणि काश्मीरमधील भारतीय चौक्यांवर रात्रभर गोळीबार केला. २६ आणि २७ एप्रिल २०२५ च्या रात्री, तुतमारी गली आणि रामपूर सेक्टरच्या समोरील भागात पाकिस्तानी सैन्याने हा गोळीबार केला. भारतीय लष्करानेही याला तत्काळ आणि चोख प्रत्युत्तर दिले. सुदैवाने या घटनेत कोणतीही जीवितहानी झालेली नाही, अशी माहिती भारतीय लष्कराने दिली आहे.
हा गोळीबार अशा वेळी झाला आहे, जेव्हा काश्मीर खोऱ्यात तणावाचे वातावरण आहे. २२ एप्रिलला पहलगाम येथे झालेल्या भीषण दहशतवादी हल्ल्यात २८ निष्पाप नागरिकांचा बळी गेला होता आणि अनेक जण जखमी झाले होते. या हल्ल्यासाठी पाकिस्तानप्रेरित दहशतवादी गटांना जबाबदार धरले जात आहे, जरी पाकिस्तानने नेहमीप्रमाणे कोणताही सहभाग नाकारला असून स्वतंत्र चौकशीची मागणी केली आहे.
पहलगामच्या हल्ल्यानंतर भारतीय सुरक्षा दलांनी दहशतवाद्यांविरुद्ध मोठी कारवाई सुरू केली आहे. काश्मीरमध्ये अतिरेकी आणि त्यांच्या समर्थकांवर विशेष मोहिम राबवली जात आहे. अतिरेक्यांना आश्रय देणाऱ्यांवर कठोर कारवाई करत त्यांच्या घरे जमीनदोस्त करण्यात येत आहेत. अधिकाऱ्यांनी दिलेल्या माहितीनुसार, गेल्या ४८ तासांत सहा दहशतवाद्यांचे किंवा त्यांच्या समर्थकांचे घर उद्ध्वस्त करण्यात आले आहे. तसेच, लपून बसलेल्या दहशतवाद्यांच्या ठिकाणांवर सतत छापे टाकले जात आहेत आणि शेकडो संशयितांना चौकशीसाठी ताब्यात घेण्यात आले आहे. सुरक्षा यंत्रणा खोऱ्यातील प्रत्येक अतिरेक्याचा शोध घेत असून, अशा प्रकारचा आणखी एक हल्ला घडू नये यासाठी जोरदार प्रयत्न सुरू आहेत.
जागतिक घडामोडी संबंधित बातम्या वाचण्यासाठी येथे क्लिक करा : ‘जंग करनी है तो…’ भारताच्या कृतीवर पाकिस्तानी लोकांचा स्वतःवरच ‘मीम अटॅक’, एकदा पहाच
अलिकडेच कुलगाम जिल्ह्यातील तंगमार्ग भागातही दहशतवाद्यांनी गोळीबार केला होता. हा भाग प्रसिद्ध अबरबल धबधब्याच्या जवळ असून, पुंछ जिल्ह्याच्या सीमेला लागून आहे. भारतीय लष्कराने या हल्ल्यालाही जोरदार प्रत्युत्तर देत दहशतवाद्यांच्या हालचालींना आळा घातला. संपूर्ण जम्मू-काश्मीरमध्ये सुरक्षा दलांची सतर्कता वाढवण्यात आली आहे. संवेदनशील भागांमध्ये विशेष नाकेबंदी करण्यात आली असून, कोणतीही संशयास्पद हालचाल लक्षात घेतली जात आहे. गस्त वाढवण्यात आली असून, नियंत्रण रेषेवरील सर्व चौक्या सज्ज आहेत.
पाकिस्तानकडून सातत्याने शस्त्रसंधीचे उल्लंघन होत असून, यामागे दहशतवाद्यांना भारतात घुसखोरीसाठी संधी मिळावी हा हेतू असल्याचे संरक्षण विश्लेषकांचे म्हणणे आहे. मात्र भारतीय लष्कराने दरवेळी त्यांना सडेतोड प्रत्युत्तर दिले आहे आणि कोणतीही घुसखोरी होऊ दिली नाही. भारत सरकारनेही पाकिस्तानच्या या कुरापतींची दखल घेतली आहे आणि आंतरराष्ट्रीय पातळीवर पाकिस्तानला बेनकाब करण्याचे प्रयत्न सुरू केले आहेत. पहलगाम दहशतवादी हल्ल्यानंतर भारताने पाकिस्तानविरुद्ध कठोर उपाययोजना जाहीर केल्या असून, व्यापारी संबंधांवरही पुन्हा एकदा पुनर्विचार केला जात आहे.
जागतिक घडामोडी संबंधित बातम्या वाचण्यासाठी येथे क्लिक करा : ‘रक्ताची शपथ आणि बलिदान…’ पाकिस्तानी पंतप्रधान शाहबाज शरीफ यांचे पहलगामवर पहिलेच विधान
जम्मू-काश्मीरमध्ये सुरक्षेचा स्तर अधिक मजबूत करण्यात आला आहे आणि दहशतवाद्यांविरुद्ध निर्णायक मोहिम राबवली जात आहे. पाकिस्तानकडून होणाऱ्या शस्त्रसंधी उल्लंघनांना भारतीय सैन्य चोख प्रत्युत्तर देत आहे आणि कोणत्याही प्रकारचा अन्याय सहन केला जाणार नाही, याचे ठोस संकेत दिले आहेत. काश्मीर खोऱ्यातील शांती व सुरक्षितता अबाधित राखण्यासाठी भारतीय लष्कर आणि सुरक्षा यंत्रणा पूर्ण क्षमतेने सज्ज आहेत. पाकिस्तानकडून होणाऱ्या अशा कुरापतींना आता कडवे उत्तर देण्याचा भारताचा निर्धार स्पष्टपणे दिसून येतो आहे.
.png "Videos"){kind=small}
