PM Modi on LGP Crisis: भारतातील इंधनाच्या संकटावर कशी मात करणार? नरेंद्र मोदींनी सांगितला मास्टर प्लॅन

Fuel Crisis,- या समस्येवर संवाद आणि राजनैतिक मार्ग हेच एकमेव उपाय आहेत. आमचे प्रयत्न तणाव कमी करणे आणि हा संघर्ष संपवणे यावर केंद्रित आहेत. या युद्धातील कोणतेही संकट मानवतेच्या हिताचे नाही.

• आखाती देशातील युद्धामुळे भारतातील अर्थव्यवस्थेवरही परिणाम
• युद्धापासून जहाजवाहतूक आव्हानात्मक
• देश आपल्या एलपीजीच्या गरजेपैकी ६०% आयात करतो.

PM Modi on LGP Crisis: पश्चिम आशियात सुरू असलेल्या युद्धामुळे संपूर्ण जगभरात त्याचे पडसाद उमटू लागले आहेत. आखाती देशातील युद्धामुळे जगभरात इंधन आणि वायू संकटाची परिस्थिती निर्माण झाली आहे. गेल्या तीन आठवड्यांपासून हे युद्ध सुरू असल्यामुळे भारतातील अर्थव्यवस्थेवरही परिणाम होऊ लागला आहे. या संकटावर पंतप्रधान नरेंद्र मोदी यांनी लोकसभेत भारताची भूमिका स्पष्ट केलं.

पंतप्रधान नरेंद्र मोदी म्हणाले की, इराणमधील सुरू असलेल्या युद्धामुळे निर्माण झालेल्या तेल आणि वायू संकटाची परिस्थिती निर्माण झाली आहे. पण पेट्रोल, डिझेल आणि एलपीजीचा पुरवठा अखंडित राहील. देशातील नागरिकांना या अत्यावश्यक इंधनांची कोणतीही कमतरता भासू नये, यासाठी सरकार सर्वतोपरी प्रयत्न करत आहे. भारत आपल्या एलपीजीच्या गरजेपैकी ६० टक्के आयात करतो. परिणामी, सरकारने देशांतर्गत एलपीजी वापराला प्राधान्य दिले असून देशांतर्गत त्याचे उत्पादन वाढवण्यावर लक्ष केंद्रित केले आहे. आम्ही शांततेच्या बाजूने आहोत आणि ती साध्य करण्यासाठी सर्वतोपरी प्रयत्न करत आहोत. या युद्धाचे परिणाम दीर्घकाळ टिकू शकतात आणि आपण संयमाने परिस्थिती हाताळण्यासाठी तयार असले पाहिजे, अशी चिंताही त्यांनी व्यक्त केली.

India First : सरकार संवेदनशील, सतर्क आणि मदतीसाठी सज्ज, 3.75 लाख भारतीय परतले; PM Modiनी लोकसभेत मांडली रणनीती

होर्मुझच्या सामुद्रधुनीतून भारतात मोठ्या प्रमाणात कच्चे तेल, गॅस आणि खते येतात. युद्धापासून जहाजवाहतूक आव्हानात्मक झाली आहे. असे असूनही, पेट्रोल, डिझेल आणि गॅसच्या पुरवठ्यावर लक्षणीय परिणाम होऊ नये यासाठी आमचे सरकार प्रयत्नशील आहे. आपल्या सर्वांना माहीत आहे की, देश आपल्या एलपीजीच्या गरजेपैकी ६०% आयात करतो. त्याच्या पुरवठ्यातील अनिश्चिततेमुळे, सरकारने देशांतर्गत वापराला प्राधान्य दिले आहे. शिवाय, देशांतर्गत उत्पादन वाढवले ​​जात आहे. पेट्रोल आणि डिझेलचा अखंड पुरवठा सुनिश्चित करण्याचे प्रयत्नही सुरू आहेत.

पंतप्रधान मोदींनी देशाच्या तेलसाठ्याबाबतच्या तयारीचा  खुलासा

गेल्या दशकात, ऊर्जा सुरक्षा सुनिश्चित करण्यासाठी उचललेली पावले अधिकच समर्पक ठरली आहेत. आम्ही आमच्या ऊर्जा आयातीमध्ये विविधता आणली आहे. पूर्वी, आम्ही २७ देशांकडून आयात करत होतो. आता, आम्ही ४१ देशांकडून ऊर्जा आयात करतो. आपल्याकडे ५.३ दशलक्ष मेट्रिक टन तेलसाठा आहे आणि तो ६.५ दशलक्ष टनांपर्यंत वाढवण्यासाठी आम्ही प्रयत्न करत आहोत. कंपन्यांचे साठे वेगवेगळे आहेत. पुरवठा सुरक्षित करण्यासाठी आम्ही विविध देशांच्या संपर्कातही आहोत. जिथून शक्य असेल तिथून पुरवठा अखंड सुरू राहील हे सुनिश्चित करणे आमचे प्राधान्य आहे. भारत सरकार आखाती आणि आसपासच्या मार्गांवर बारकाईने लक्ष ठेवून आहे. भारतात येणारी सर्व जहाजे येथे सुरक्षितपणे पोहोचावीत यासाठी आम्ही सर्वतोपरी प्रयत्न करत आहोत.

PM Modi Live Today: आखाती देशांतील युद्धाचा भारतीय अर्थव्यवस्थेवर दुरगामी परिणाम…; नरेंद्र मोदी लोकसभेत काय म्हणाले?

पंतप्रधान मोदी म्हणाले की, सर्वसामान्य नागरिक, ऊर्जा आणि वाहतूक पायाभूत सुविधांवरील हल्ल्यांना भारताचा तीव्र विरोध आहे. व्यापारी जहाजांवरील हल्ले आणि होर्मुझच्या सामुद्रधुनीसारखे आंतरराष्ट्रीय जलमार्ग रोखणे अस्वीकार्य आहे. पण अशा युद्धाच्या परिस्थितीतही राजनैतिक मार्गाने जहाजांचा सुरक्षित मार्ग सुनिश्चित करण्यासाठी भारत सातत्याने प्रयत्न करत आहे. भारताने नेहमीच शांतता आणि मानवतेच्या कल्याणाचे समर्थन केले आहे.

या समस्येवर संवाद आणि राजनैतिक मार्ग हेच एकमेव उपाय आहेत. आमचे प्रयत्न तणाव कमी करणे आणि हा संघर्ष संपवणे यावर केंद्रित आहेत. या युद्धातील कोणतेही संकट मानवतेच्या हिताचे नाही. त्यामुळे, सर्व पक्षांना शांततापूर्ण तोडगा काढण्यासाठी प्रोत्साहित करणे हा भारताचा प्रयत्न आहे.” या युद्धाचा परिणाम दीर्घकाळ टिकणारा असेल. त्यामुळे, आपल्याला एकजूट राहण्याची गरज आहे. जे लोक परिस्थितीचा गैरफायदा घेऊ पाहतात ते खोट्या बातम्या पसरवतील; आपण अशा लोकांना यशस्वी होऊ देता कामा नये.

पंतप्रधान मोदी म्हणाले की, ऊर्जा आपल्या अर्थव्यवस्थेसाठी अत्यावश्यक आहे आणि पश्चिम आशिया आपल्या ऊर्जेच्या गरजांचा सर्वात मोठा स्रोत आहे. या संघर्षाचे परिणाम कमी करण्यासाठी आम्ही सातत्याने प्रयत्न करत आहोत. आम्ही सर्व क्षेत्रांतील हितधारकांशी सतत संपर्कात असून, बाधित भागांना आवश्यक ती मदत पुरवत आहोत.