युद्धानंतर ३.७५ लाख भारतीय परतले, सरकार संवेदनशील, सतर्क आणि मदतीसाठी सज्ज आहे: पंतप्रधान मोदी ( फोटो सौजन्य : सोशल मीडिया )
PM Modi speech in Lok Sabha on Middle East War : जगाच्या पाठीवर कुठेही संकट आले की, भारताचे ‘संकटमोचक’ धोरण पुन्हा एकदा सिद्ध झाले आहे. मध्य-पूर्वेत इस्रायल, अमेरिका आणि इराण यांच्यात गेल्या २४ दिवसांपासून सुरू असलेल्या भीषण युद्धामुळे जग एका मोठ्या संकटाच्या उंबरठ्यावर उभे आहे. अशा परिस्थितीत, पंतप्रधान नरेंद्र मोदी (Prime Minister Narendra Modi) यांनी आज लोकसभेत देशाला संबोधित करताना भारतीयांच्या सुरक्षिततेबाबत सर्वात मोठा अपडेट दिला आहे. “युद्धग्रस्त भागातून आतापर्यंत ३ लाख ७५ हजार भारतीयांना आम्ही सुखरूप बाहेर काढले आहे,” असे सांगत पंतप्रधानांनी भारताच्या सामर्थ्याची जाणीव करून दिली.
पंतप्रधानांचे हे भाषण अशा वेळी होत आहे जेव्हा जागतिक व्यापारासाठी महत्त्वाची असलेली ‘होर्मुझची सामुद्रधुनी’ (Strait of Hormuz) बंद करण्यात आली आहे. या मार्गावरून भारताचा मोठा तेल आणि वायू व्यापार चालतो. पंतप्रधान मोदींनी नमूद केले की, केवळ जमिनीवरच नाही तर समुद्रातही अनेक भारतीय कर्मचारी जहाजांवर अडकले आहेत. “आखाती देशांमध्ये जवळपास १ कोटी भारतीय काम करतात. त्यांच्या कुटुंबांची चिंता ही माझी वैयक्तिक चिंता आहे,” अशा शब्दांत मोदींनी आपले भावनिक नाते स्पष्ट केले.
जागतिक घडामोडी संबंधित बातम्या वाचण्यासाठी येथे क्लिक करा : Mordechai Vanunu: इस्रायलची ‘न्यूक्लियर’ गुपितं जगाला विकणाऱ्या देशद्रोही वानुनूचा ‘मोसाद’ने ‘असा’ केला गेम; वाचा थरारक सत्य
पंतप्रधानांनी केवळ संसदेत भाषणच केले नाही, तर त्यापूर्वी सलग साडेतीन तास उच्चस्तरीय बैठक घेऊन देशातील इंधन आणि खत साठ्याचा आढावा घेतला. त्यांनी स्पष्ट शब्दांत आदेश दिले आहेत की, युद्धाच्या नावाखाली देशात कोणीही जीवनावश्यक वस्तूंची साठेबाजी किंवा काळाबाजार करता कामा नये. पेट्रोलियम, कच्चे तेल आणि नैसर्गिक वायूचा अखंड पुरवठा सुनिश्चित करण्यासाठी सरकारने ‘डिस्ट्रिब्यूशन आणि लॉजिस्टिक्स’ व्यवस्था अधिक मजबूत केली आहे. विरोधकांनी उपस्थित केलेल्या तेल टंचाईच्या प्रश्नावर मोदींनी “सर्व काही नियंत्रणात आहे” असा विश्वास दिला.
VIDEO | Parliament session: PM Narendra Modi, in his remarks in the Lok Sabha on the ongoing West Asia conflict, says, “Economies around the world are being affected by the current crisis, and continuous efforts are being made to minimise its impact… The Government of India has… pic.twitter.com/sD7sNOnlDI — Press Trust of India (@PTI_News) March 23, 2026
credit – social media and Twitter
पंतप्रधान मोदींनी माहिती दिली की, त्यांनी स्वतः दोनदा संबंधित देशांच्या प्रमुखांशी फोनवर संवाद साधून भारतीयांच्या सुरक्षिततेचे आश्वासन घेतले आहे. परराष्ट्र मंत्री एस. जयशंकर यांच्या नेतृत्वाखालील टीम रात्रंदिवस या बचाव मोहिमेवर लक्ष ठेवून आहे. “भारताने नेहमीच शांततेचा पुरस्कार केला आहे, पण आमच्या नागरिकांच्या केसालाही धक्का लागला तर भारत शांत बसणार नाही,” हा कडक संदेश या भाषणातून देण्यात आला आहे.
जागतिक घडामोडी संबंधित बातम्या वाचण्यासाठी येथे क्लिक करा : White House: अमेरिकेत शटडाउनने उडाली धांदल; ट्रम्प म्हटले, ‘इराणची डोकेदुखी संपल्यावर, देशातील ‘या’ शत्रूला ठेचणार’
एकिकडे युद्धाची चर्चा सुरू असतानाच, संसदेच्या पटलावर अर्थमंत्री निर्मला सीतारामन ‘कॉर्पोरेट कायदे (सुधारणा) विधेयक, २०२६’ सादर करणार आहेत. मर्यादित दायित्व भागीदारी आणि कंपनी कायद्यात सुधारणा करून भारतीय कॉर्पोरेट क्षेत्राला जागतिक अस्थिरतेत बळ देण्याचा सरकारचा प्रयत्न आहे. विरोधकांनी चर्चेची मागणी लावून धरली असली, तरी पंतप्रधान मोदींनी आपल्या सविस्तर निवेदनातून सर्व शंकांचे निरसन करण्याचा प्रयत्न केला आहे.
Ans: पंतप्रधान मोदींच्या माहितीनुसार, आतापर्यंत ३,७५,००० भारतीयांना सुरक्षितपणे मायदेशी आणण्यात आले आहे.
Ans: यामुळे कच्च्या तेलाच्या पुरवठ्यावर परिणाम होऊ शकतो, मात्र सरकारने पर्यायी पुरवठा व्यवस्था आणि साठवणूक आधीच सुनिश्चित केली आहे.
Ans: पंतप्रधानांनी स्पष्ट केले आहे की युद्धाच्या पार्श्वभूमीवर जीवनावश्यक वस्तूंची साठेबाजी किंवा काळाबाजार करणाऱ्यांवर कठोर कारवाई केली जाईल.
