क्राईम सीन होणार रीक्रिएट; पोलीस सोनम अन् तिच्या साथीदारांना पुन्हा घेऊन जाणार त्याच टेकडीवर

Raja Raghuvanshi murder scene Recreate : सोनम आणि तिच्या प्रियकर राज कुशवाहा यांनीच राजा रघुवंशीच्या हत्येचा कट रचल्याचे तपासात उघडकीस आले आहे.

शिलाँग : राजा रघुवंशी हत्या प्रकरणाची संपूर्ण देशभरामध्ये चर्चा आहे. नवऱ्याला हनिमूनला घेऊन जाऊन त्याची हत्या केली.  सोनम आणि तिच्या प्रियकर राज कुशवाहा यांनीच राजा रघुवंशीच्या हत्येचा कट रचल्याचे तपासात उघडकीस आले आहे. शिलाँगसारख्या दूरच्या ठिकाणी, सुमारे २,००० किमी अंतरावर, सोनमने हा गुन्हा केला. या प्रकरणाचा मेघालय पोलिसांनी छडा लावला आहे. आता मेघालय पोलीस हे सोनमसह इतर सर्व आरोपींना घेऊन शिलाँगला जाणार आहेत. पोलीस आरोपींसह क्राईम सीन रीक्रिएट करणार आहेत. सोनमने तिच्या पती राजाला मारण्यासाठी कॉन्ट्रॅक्ट किलर्ससोबत कसा कट रचला याचे संपूर्ण रहस्य उलगडण्याची अपेक्षा आहे. राजाची हत्या कशी झाली हे शोधण्यासाठी पोलिस आता आरोपींना गुन्ह्याच्या ठिकाण पुन्हा घेऊन जाण्याची योजना आखत आहेत.

आज, मेघालय पोलिस राजा रघुवंशीची हत्या करणाऱ्या सोनमसह सर्व आरोपींना न्यायालयात हजर करतील आणि त्यांचा रिमांड मागणार आहेत. जेणेकरून ते या खूनाच्या प्रकरणाचा अधिक सखोल तपास करू शकतील आणि हत्येशी संबंधित सर्व गुपिते उघड करू शकतील. आरोपीला आज न्यायालयात हजर केले जाईल अशी माहिती समोर येत आहे.

गुन्ह्याचे दृश्य पुन्हा तयार करण्याची तयारी

राजा रघुवंशी याची पत्नी सोनम आणि हत्येत सहभागी असलेल्या इतर चारही आरोपींसोबत संपूर्ण प्रकरण आणि हत्येचा कट समजून घेण्यासाठी मेघालय पोलीस प्रयत्न करत आहेत. मेघालय पोलीस हे क्राईम सीन रीक्रिएट करणार आहेत. असे म्हटले जात आहे की, आरोपींना त्यांनी राजाची हत्या केलेल्या ठिकाणी नेले जाईल आणि तीच घटना पुन्हा तयार केली जाईल जेणेकरून या हत्येच्या गूढतेचा संपूर्ण क्रम समजेल. घटनास्थळी खून कसा झाला. गुन्ह्याचे ठिकाण तयार केल्यानंतर, पोलिस आरोपींची स्वतंत्रपणे चौकशी करतील आणि सर्व माहिती,पुरावे व जबाब घेणार आहेत.

राजकीय बातम्या वाचण्यासाठी क्लिक करा 

हत्या प्रकरणाच्या संपूर्ण नियोजनाचे रहस्य उलगडणार

राजा रघुवंशी हत्या प्रकरणात अजूनही अनेक गुपिते उलगडलेली नाहीत. अशा परिस्थितीत, न्यायालयात हजर झाल्यानंतर, जर पोलिसांना रिमांड मिळाला, तर सोनम आणि तिचा प्रियकर राज यांनी राजा रघुवंशीच्या हत्येसाठी रचलेला संपूर्ण कट थर थर उघड होऊ शकतो. कॉन्ट्रॅक्ट किलरला कसे कामावर ठेवण्यात आले याची चौकशी केली जाईल. राजा रघुवंशी याची पत्नी आणि चारही खून आरोपी आज न्यायालयात हजर होणार, पोलिस रिमांड मागणार आहेत. चौकशीदरम्यान अनेक गुपिते उघड होण्याची शक्यता आहे.

राजा सुर्यवंशी हत्या प्रकरणातील अपडेट वाचण्यासाठी क्लिक करा  

सोनमला मध्यरात्री १२ वाजता गुवाहाटी आणले

मध्यरात्री १२ वाजताच्या सुमारास मेघालय पोलिस सोनमला घेऊन गुवाहाटी विमानतळावर पोहोचले. येथून त्याला कडक पोलिस बंदोबस्तात शिलाँगला नेण्यात आले. रिमांड मिळाल्यानंतर पोलिस सर्व आरोपींची सखोल चौकशी करतील. दरम्यान, सुनेचा भयानक रक्तरंजित खेळ पाहून राजा रघुवंशी यांच्या कुटुंबातील सदस्य अजूनही धक्क्यात आहेत.