सध्या संपूर्ण जगभरात मंकीपॅाक्स विषाणूची दहशत पसरली आहे. दिवसेंदिवस मंकीपॅाक्सचा प्रादुर्भाव वाढताना दिसत आहे. या विषाणूवर लस शोधण्याचे जगभरात प्रयत्न केले जात आहे. भारतातही या विषाणूने पाय पसरायला सुरुवात केली असून सीरम इंस्टिट्यूटकडून यावर लस बनवण्यात येणार आहे. यासंबधी संशोधन सुरू असून सीरम इंस्टिट्यूट ऑफ इंडियाचे सीईओ (Serum Institute Of India) अदर पुनावाला (Adar Poonawala) यांनी केद्रींय आरोग्य मंत्र्यांची यांसदर्भात भेट घेतली.
देशात मंकीपॉक्सचे रुग्ण वाढताना दिसत आहेत. भारतात आतापर्यंत मंकीपॉक्सचे आठ रुग्ण आढळले आहेत. दिल्लीमध्ये मंगळवारी 35 वर्षीय व्यक्तीला मंकीपॉक्सची लागण झाल्याचं स्पष्ट झालं आहे. आयसीएमआर (ICMR) म्हणजेच इंडियन काउंसिल फॉर मेडिकल रिसर्चच्या (Indian Council for Medical Research) पुणे (Pune) येथील राष्ट्रीय विषाणूविज्ञान संस्थेने (NIV-National Institute of Virology Lab) एका रुग्णाच्या नमुन्यांमधून मंकीपॉक्स विषाणूला (Monkeypox Virus) वेगळं केलं आहे. यामुळे मंकीपॉक्स विषाणूविरोधी लस बनवण्यात मदत होणार आहे.
[read_also content=”24 राज्यातील 111 जलमार्गांना राष्ट्रीय दर्जा, महाराष्ट्राचाही समावेश https://www.navarashtra.com/india/111-waterways-in-country-decleared-as-national-waterways-including-maharashtra-nrps-311274.html”]
तर, आयसीएमआरने 27 जुलै रोजी इच्छुक भारतीय लस निर्मिती करणाऱ्या कंपन्यांना विषाणूचा नमुन्यांवर अभ्यास करत मंकीपॉक्स विषाणूवरील लस विकसित करण्यासाठी आवाहन केलं आहे. सरकारने लस निर्मिती कंपन्यांना विषाणूवरील लस आणि टेस्टिंग किट तयार करण्याचं आवाहन केलं आहे. यामध्ये मंकीपॉक्स विषाणूच्या नमुन्यामुळे मदत होणार आहे. देशात मंकीपॉक्सचा वाढता संसर्ग पाहता या परिस्थितीवर नजर ठेवण्यासाठी समिती स्थापन करण्यात आली आहे. याआधीच जागतिक आरोग्य संघटनेनं (WHO) मंकीपॉक्स विषाणूला जागतिक आरोग्य आणीबाणी जाहीर करत चिंता व्यक्त केली आहे.
.png "Videos"){kind=small}
