TMC MP Derek O’Brien Suspended : तृणमूल काँग्रेसचे (TMC) खासदार डेरेक ओब्रायन यांना संसदेच्या हिवाळी अधिवेशनाच्या उर्वरित कामकाजातून निलंबित करण्यात आले आहे. ओब्रायन यांच्यावर सभागृहाच्या कामकाजात अडथळा आणल्याचा आरोप करण्यात आला आहे. त्यामुळे त्यांना राज्यसभेतून निलंबित करण्यात आले.
राज्यसभेच्या कामकाजात व्यत्यय आणण्यास सुरुवात
काल (बुधवारी) दुपारी लोकसभेतील सुरक्षेतील गोंधळानंतर आज (गुरुवारी 14 डिसेंबर) संसद पुन्हा एकदा सुरू झाली. या दरम्यान ओब्रायन यांनी राज्यसभेच्या कामकाजात व्यत्यय आणण्यास सुरुवात केली, त्यानंतर त्यांना सभागृहातून बाहेर जाण्यास सांगण्यात आले.
संसदेच्या सुरक्षेतील त्रुटींवर चर्चेची मागणी
डेरेक ओब्रायन यांनी संसदेच्या सुरक्षेतील त्रुटींवर चर्चेची मागणी केली होती. मात्र, यावर राज्यसभेचे सभापती जगदीप धनखड यांनी टीएमसी खासदाराचे नाव घेत त्यांना तातडीने सभागृह सोडण्याचे आदेश दिले.
ओब्रायन यांनी सुरक्षा उल्लंघनाच्या घटनेवर चर्चेची मागणी केली होती, ज्यामध्ये दोन व्यक्तींनी अभ्यागतांच्या गॅलरीतून लोकसभेत उडी मारली आणि पिवळ्या धुराचे डबे फोडले. त्यानंतर लगेचच तृणमूल खासदाराचे नाव राज्यसभेचे सभापती जगदीप धनखड यांनी दिले आणि त्यांना सभागृह सोडण्यास सांगण्यात आले.
अध्यक्षांच्या इशाऱ्यानंतरही, ओब्रायन आणि इतर काही विरोधी सदस्यांनी विरोध सुरूच ठेवला आणि केंद्रीय गृहमंत्री अमित शहा यांनी कालच्या सुरक्षा उल्लंघनाच्या घटनेबद्दल उत्तर देण्यासाठी सभागृहात उपस्थित राहण्याची मागणी केली.
संसदेबाहेर बोलताना तृणमूलच्या खासदार डोला सेन यांनीही भाजप खासदार प्रताप सिम्हा यांच्यावर कारवाई करण्याची मागणी केली ज्यांनी आरोपी मनोरंजन यांना संसदेचा अभ्यागत पास मिळवून देण्यासाठी मदत केली होती.
एथिक्स कमिटी यावर गप्प का आहे? प्रताप सिम्हा जे भाजपचे खासदार आहेत, त्यांची हकालपट्टी का केली जात नाही. आम्हाला हे जाणून घ्यायचे आहे की जर खासदारांच्या सुरक्षेशी तडजोड केली जात असेल, तर जिल्ह्यातील लोकांचे काय होईल? मंत्र्याने यावर वक्तव्यही केले नाही. टीएमसीला योग्य चौकशीची गरज आहे,” डोला सेन म्हणाल्या.
Web Title: Tmc mp derek obrien suspended from rajya sabha reasons for action read detailed report nryb
.png "Videos"){kind=small}
