राजस्थानसह उत्तर भारतात पूर; उत्तरेतील राज्यांत मुसळधारेचा इशारा
IMD Weather Update : सकाळपासून देशातील अनेक राज्यांमध्ये पावसाने हजेरी लावली आहे. काही ठिकाणी हलक्या पावसाच्या सरी तर काही ठिकाणी मुसळधार पाऊस सुरु आहे. राजाधानी दिल्ली-एनसीआरसह काही भागात पाऊसाने मात्र दांडी मारली आहे. राजधानी दिल्लीमध्ये दमट उष्णता पसरली असून दिल्लीकरांचा जीव कासावीस झाला आहे. दरम्यान, हवामान विभागाने २८ जुलैचा हवामान अंदाज जारी केला आहे.
हवामान विभागाकडून मिळालेल्या माहितीनुसार, आज दिल्ली, राजस्थान, उत्तर प्रदेश, उत्तराखंड, बिहार आणि मध्य प्रदेशसह अनेक राज्यांमध्ये मुसळधार पाऊस पडू शकतो. पूर्व राजस्थानमध्ये, वीज पडण्याची शक्यता लक्षात घेता आयएमडीने रेड अलर्ट जारी केला आहे. तसेच इतर अनेक राज्यांच्या हवामानाबाबत आणि पावसाच्या स्थितीबाबत हवामान विभागाने अंदाज व्यक्त केला आहे.
राजकीय बातम्या वाचण्यासाठी क्लिक करा
दिल्लीकरांना दमट हवामानापासून मिळणार सुटका!
आज राजधानी दिल्लीत काही प्रमाणात दिलासा मिळण्याची शक्यता हवामान खात्याने व्यक्त केली आहे. हवामान खात्याच्या म्हणण्यानुसार, आज दिल्लीत मेघगर्जनेसह पाऊस पडू शकतो. त्याच वेळी, कमाल तापमान ३५ अंश सेल्सिअस आणि किमान तापमान २७ अंश सेल्सिअस असू शकते. लक्ष्मी नगर, रोहिणी, मदर डेअरी, नरेला, पीतमपुरा, बदली, मुंडका, पश्चिम विहार आणि पंजाबी बाग यासह दिल्लीच्या अनेक भागात हलका पाऊस पडू शकतो.
उत्तर प्रदेशचे हवामान कसे असेल?
हवामान खात्याने आज उत्तर प्रदेशातील अनेक जिल्ह्यांमध्ये मुसळधार पावसाचा अंदाज वर्तवला आहे. आज कन्नौज, हरदोई, कानपूर देहाट, सीतापूर, खेरी, झांसी, जालौन, हमीरपूर, सिद्धार्थनगर, सहारनपूर, बिजनौर, मेरठ, मुझफ्फरनगर, बुलंदशहर, संभल, बरेली, पिलीभीत, हापूर, रामपूर, महाउतपुर, महाउतपुर, महाउत्तर येथे मुसळधार पावसाची शक्यता आहे.
बिहारमधील अनेक जिल्ह्यांमध्ये पावसाचा इशारा
आज बिहारमध्येही पावसाचा इशारा देण्यात आला आहे. हवामान विभागाने दिलेल्या माहितीनुसार, बिहारची राजधानी पाटणा तसेच पश्चिम चंपारण, जेहानाबाद, लखीसराय, मुंगेर, मुझफ्फरपूर, सीतामढी, दरभंगा, बेगुसराय, नालंदा, खगरिया, समस्तीपूर, सिवान, सारण आणि मधेपुरा येथे मुसळधार पाऊस पडू शकतो.
महाराष्ट्रसंबंधित बातम्या वाचण्यासाठी क्लिक करा
पूर्व राजस्थानमध्ये रेड अलर्ट
हवामान खात्याने राजस्थानातील १० हून अधिक शहरांमध्ये मुसळधार पावसाचा इशारा दिला आहे. आयएमडीने म्हटले आहे की राजस्थानची राजधानी जयपूर तसेच सिरोही, जालोर, राजसमंद, जयपूर, अजमेर, श्रीगंगानगर, झुंझुनू, पाली, नागौर, बिकानेर, जोधपूर, चुरू, सीकर आणि भीलवाडा येथे मुसळधार पाऊस पडू शकतो. त्यामुळे रेड अलर्ट देखील जारी करण्यात आला आहे.
अनेक राज्यांमध्ये ऑरेंज – यलो अलर्ट
ऑरेंज अलर्ट असलेली राज्ये: उत्तराखंड, पश्चिम उत्तर प्रदेश, मध्य प्रदेश, पूर्व गुजरात, मध्य महाराष्ट्र, किनारी आणि दक्षिण कर्नाटक, अरुणाचल प्रदेश, आसाम, मेघालय, नागालँड, मणिपूर, मिझोराम आणि त्रिपुरा
यलो अलर्ट असलेली राज्ये: जम्मू आणि काश्मीर, हिमाचल प्रदेश, हरियाणा, चंदीगड, दिल्ली, बिहार, पश्चिम बंगाल, छत्तीसगड, ओडिशा, आंध्र प्रदेश, पश्चिम गुजरात, कोकण आणि गोवा, उत्तर कर्नाटक, तेलंगणा, तामिळनाडू, पुद्दुचेरी आणि केरळ
.png "Videos"){kind=small}
