देश वाचवण्यासाठी आम्ही एकत्र आलोय; जनता ठरवेल ते आम्ही करणार; इंडिया आलायन्सच्या बैठकीवरून उद्धव ठाकरेंचे वक्तव्य

आज 'इंडिया' आलायन्सची बैठक दिल्लीमध्ये घेण्यात येणार आहे. या बैठकीसाठी उद्धव ठाकरे दिल्लीत दाखल झाले आहेत. यावेळी त्यांनी प्रसारमाध्यमांशी संवाद साधत येण्याचे प्रयोजन सांगत फडणवीसांना सुद्धा टोला लगावला. कधीतरी चेहरा ठरवावा लागेल, कोणीतरी निमंत्रक, समन्वयक ठरवावा लागेल. आजच्या बैठकीत आम्ही समन्वयक ठरवणार, असे शिवसेना उद्धव ठाकरे प्रमुख उद्धव ठाकरे म्हणाले.

नवी दिल्ली : इंडिया आघाडीत कोणतेही मतभेद नाहीत. देश वाचवण्यासाठी आम्ही एकत्र आलो आहे. माझ्यासमोर कोणतीही स्वप्न नाहीत. जनता ठरवेल ते आम्ही करणार आहोत. कधीतरी चेहरा ठरवावा लागेल, कोणीतरी निमंत्रक, समन्वयक ठरवावा लागेल. आजच्या बैठकीत आम्ही समन्वयक ठरवणार, असे शिवसेना उद्धव ठाकरे प्रमुख उद्धव ठाकरे यांनी सांगितले.

See more

उद्धव ठाकरे इंडिया आघाडीचे समन्वयक होणार का? पाहा काय म्हणाले…#UddhavThackeray #INDIAlliance @ShivSenaUBT_ @OfficeofUT #INDIAMeeting pic.twitter.com/KxbeBgNG0V

— BBC News Marathi (@bbcnewsmarathi) December 19, 2023

देवेंद्र फडणवीसांना टोमणा

उद्धव ठाकरे यांनी नाक पुसताना उपमुख्यमंत्री देवेंद्र फडणवीसांना टोमणा मारला. मी कोणाची स्टाईल मारत नाही. सर्दी झाली आहे, उगीच हुडी, गॉगल घालून फिरत नाही, असे ठाकरे म्हणाले. ते दिल्लीत प्रसारमाध्यमांशी बोलत होते.