‘मलालावर हल्ला कुठं झाला’; हिजाबच्या वादावर असदुद्दीन ओवेसींनी पाकिस्तानला सुनावले

ओवेसी म्हणाले, “पाकिस्तानच्या राज्यघटनेनुसार गैर-मुस्लिम पंतप्रधान होऊ शकत नाही. आम्ही पाकिस्तानला सांगतो की इकडे लक्ष देऊ नका. हा आमच्या घरचा प्रश्न आहे. पाकिस्तानातच झालेल्या हल्ल्यानंतर मलालाला घर सोडून बाहेर जावे लागले. मुलींच्या शिक्षणाच्या बाबतीत पाकिस्तानने आम्हाला ज्ञान देऊ नये.

नवी दिल्ली : असदुद्दीन ओवेसी यांनी हिजाब वादावर बोलताना पाकिस्तानलाही आरसा दाखवत आमच्या घरच्या प्रकरणात ढवळाढवळ करू नये असे म्हटले आहे. एका सभेला संबोधित करताना ओवेसी म्हणाले, ‘मलालावर झालेला हल्ला पाकिस्तानमध्ये झाला. पाकिस्तानच्या घटनेनुसार कोणताही गैर-मुस्लिम त्याचा वझीरे आझम म्हणजेच पंतप्रधान होऊ शकत नाही. पाकिस्तानला त्यांच्याच शैलीत सल्ला देत ते म्हणाले की, तुम्हाला बलुचींचा प्रश्न आहे, त्याकडे लक्ष द्या.

पाकिस्तानने आम्हाला ज्ञान देऊ नये
ओवेसी म्हणाले, “पाकिस्तानच्या राज्यघटनेनुसार गैर-मुस्लिम पंतप्रधान होऊ शकत नाही. आम्ही पाकिस्तानला सांगतो की इकडे लक्ष देऊ नका. हा आमच्या घरचा प्रश्न आहे. पाकिस्तानातच झालेल्या हल्ल्यानंतर मलालाला घर सोडून बाहेर जावे लागले. मुलींच्या शिक्षणाच्या बाबतीत पाकिस्तानने आम्हाला ज्ञान देऊ नये. असदुद्दीन ओवेसी हिजाब परिधान करण्याचे समर्थन करत आहेत. इतकंच नाही तर कॉलेजबाहेर अल्ला हु अकबरचा नारा देणाऱ्या मुस्कान या मुलीचंही त्यांनी जोरदार समर्थन केलं. मुस्कान ही एक धाडसी मुलगी असून तिने तिच्या हक्कांसाठी आवाज उठवण्याचे काम केल्याचे तो सांगतो.