जम्मू-काश्मीरच्या बांदीपोरामध्ये लष्कराचा ट्रक दरीत कोसळला (फोटो सौजन्य-X)
Jammu-Kashmir Accident : उत्तर काश्मीरमधील बांदीपोरा भागात एक मोठी दुर्घटना घडली आहे. शनिवारी (4 जानेवारी, 2025) भारतीय लष्कराचा ट्रक दरीत कोसळण्याची घटना घडली. या अपघातात किमान दोन सैनिकांचा मृत्यू झाला असून तीन जण जखमी झाले आहेत. यावेळी रुग्णालयात 5 जखमींना आणण्यात आले होते, त्यापैकी 2 जणांचा मृत्यू झाला होता. 3 जखमींची प्रकृती गंभीर असून त्यांना पुढील उपचारांसाठी श्रीनगरला पाठवण्यात आले आहे.सैनिकांना घेऊन जाणाऱ्या लष्कराच्या ट्रकला बांदीपोरा येथील कूट पायीन भागाजवळ एका वळणावर चालकाचे वाहनावरील नियंत्रण सुटले आणि अपघात झाला, अशी माहिती लष्करी अधिकाऱ्यांनी दिली आहे.
उत्तर काश्मीर जिल्ह्यातील एसके पायनजवळ लष्कराचे एक वाहन रस्त्यावरून घसरून खड्ड्यात पडल्याचे अधिकाऱ्यांनी सांगितले. या दुर्घटनेतील जखमी जवानांना रुग्णालयात दाखल करण्यात आले आहे. घटनास्थळी सुरक्षा दल आणि पोलीस दाखल झाले आहेत. गेल्या 20 दिवसांत लष्कराच्या वाहनाला अपघात होण्याची ही तिसरी घटना आहे. या अपघातात दहशतवादी कोन असल्याचा कोणताही पुरावा अद्याप मिळालेला नाही. मात्र, सध्या पोलीस आणि लष्कराच्या जवानांकडून बचावकार्य सुरू असून अपघाताचे नेमके कारण शोधण्याचे प्रयत्न सुरू आहेत. गेल्या 20 दिवसांत लष्कराच्या वाहनाला अपघात होण्याची ही तिसरी घटना आहे.
याआधीही 24 डिसेंबर 2024 रोजी जम्मू-काश्मीरच्या पूंछ जिल्ह्यातील बलनोई सेक्टरमध्ये मोठा रस्ता अपघात झाला होता. या अपघातात लष्कराचे वाहन 300 फूट खोल दरीत कोसळले. पूंछ सेक्टरमध्ये ऑपरेशनल ड्युटी दरम्यान हा अपघात झाला. या अपघातात पाच जवान शहीद झाले.
बरोबर चार दिवसांपूर्वी म्हणजे 31 डिसेंबर 2024 रोजी पूंछ जिल्ह्यातील मेंढारमधील एलओसीजवळील बलनोई भागात लष्कराच्या वाहनाला अपघात झाला. हा अपघात संध्याकाळी सहा वाजता घडला, जेव्हा अनेक जवानांना घेऊन लष्कराचे वाहन ऑपरेशनल ड्युटीवर जात होते. वाटेत अपघात झाला आणि लष्कराचे वाहन सुमारे 100 फूट खोल खड्ड्यात पडले. या अपघातातही पाच जवानांचा मृत्यू झाला असून पाच जण गंभीर जखमी झाले आहेत. तसेच 4 नोव्हेंबर 2024 रोजी राजौरी जिल्ह्यात वाहन रस्त्यावरून घसरून खड्ड्यात पडल्याने लष्कराच्या एका जवानाला वीरमरण आले होते.तर दुसरा जवान जखमी झाला होता. 2 नोव्हेंबर 2024 रोजी, रियासी जिल्ह्यात एक कार डोंगराच्या रस्त्यावरून घसरून खोल दरीत पडल्याने एक महिला आणि तिच्या 10 महिन्यांच्या मुलासह तीन जणांचा मृत्यू झाला आणि तीन जण गंभीर जखमी झाले. आता शनिवारी बांदीपोरा येथे लष्कराचे वाहन दरीत कोसळल्याने दोन जवांना वीरमरण आले आहे, तर पाच जवान गंभीर जखमी झाले आहेत.
.png "Videos"){kind=small}
