पुण्यात शिक्षणासाठी आलेले 664 अफगाणी विद्यार्थी आई वडिलांच्या काळजीने त्रस्त

दरवर्षी जगभरातून अनेक तरुण तरुणी शिक्षणासाठी जगात भारी असणाऱ्या पुण्यात शिकायला येत असतात. या वर्षी अफगाणिस्तानातून पुणे शहरात ७०४ जण वेगवेगळ्या व्हिसांवर दाखल झाले.

पुण्यात शिक्षणासाठी आलेलेले 664 अफगाणी विद्यार्थी आई वडिलांच्या काळजीने त्रस्त झाले आहेत. अफगाणिस्तानवर तालीबानने ताबा मिळवल्याने संपुर्ण जगाच्या चिंतेत वाढ झालेली असताना पुण्यातील हे विद्यार्थी आपल्या आई वडिलांच्या सुरक्षीततेसाठी प्रार्थना करत आहेत.

माध्यम प्रतिनिधींना दिलेल्या प्रतिक्रियेत हे विद्यार्थी म्हणाले की, “अफगाणिस्तानातील आमच्या पुढच्या अनेक पीढ्यांचे भविष्य आता अंधारात आहे. आमचे राष्ट्राध्यक्ष अश्रफ घनी देशाची सर्व सुत्र चीन आणि पाकिस्तानचे समर्थन असलेल्या तालिबान्यांच्या हातात देऊन पळून गेले आहेत. तालिबानची सत्ता म्हणजे नरक आहे, आता आमच्या सगळ्यांच्या जगण्याच्या आशा संपल्या आहेत.”

दरवर्षी जगभरातून अनेक तरुण तरुणी शिक्षणासाठी जगात भारी असणाऱ्या पुण्यात शिकायला येत असतात. या वर्षी अफगाणिस्तानातून पुणे शहरात ७०४ जण वेगवेगळ्या व्हिसांवर दाखल झाले. त्यापैकी ६६४ विद्यार्थ्यांना पुन्हा अफगाणिस्तानात परतण्यासाठी अडचणी येत असल्याने तसेच पालक असुरक्षित वातावरणात अडकल्याने हे विद्यार्थी चिंतेत आहेत.

हेल्पलाइन नंबर सुरु

अफगाणिस्तानातील आणीबाणीमुळे पुण्यात शिकणाऱ्या या विद्यार्थ्यांसाठी सरहद या समाजसेवी संस्थेतर्फे ८००७०६६९०० हा हेल्पलाइन नंबर सुरु करण्यात आला आहे. अफगाणिस्तानातील स्वयंसेवी संस्थांशी संपर्क साधण्याचा प्रयत्नही सुरु करण्यात आला आहे.