India vs Korea Semi Final Hockey match
India vs South Korea Semi Final Highlights : भारतीय पुरुष हॉकी संघाने आशियाई चॅम्पियन्स ट्रॉफी 2024 च्या अंतिम फेरीत स्थान निश्चित केले आहे. उपांत्य फेरीत भारतासमोर दक्षिण कोरियाचे आव्हान होते. भारताने हा सामना ४-१ ने सहज जिंकला. भारताने या स्पर्धेत आतापर्यंत खेळलेले सर्व सामने जिंकले आहेत. अंतिम सामन्यात भारतीय संघाचा सामना यजमान संघाशी होणार आहे. उपांत्य फेरीत चीनने पाकिस्तानचा पराभव केला आहे. भारत या स्पर्धेचा गतविजेताही आहे.
भारतीय संघाचा मोठा विजय
Team India storms into the final with a convincing 4-1 victory over Korea powered by some sharp finishing from Harmanpreet, Jarmanpreet, and Uttam Singh. Up next, we face hosts China 🇨🇳 in the grand final tomorrow in the Mens Asian Champions Trophy 2024 Lets win this one🏆💪🏻… pic.twitter.com/blZ8BxNYX7 — Hockey India (@TheHockeyIndia) September 16, 2024
टीम इंडिया फायनलमध्ये
भारत विरुद्ध दक्षिण कोरिया यांच्यातील उपांत्य फेरीच्या चौथ्या क्वार्टरमध्ये एकही गोल झाला नाही. यासह भारताने हा सामना ४-१ ने जिंकला. या विजयाने भारताला अंतिम फेरीत पोहचला आहे. भारताकडून कर्णधार हरमनप्रीत सिंगने दोन गोल केले. 13व्या मिनिटाला उत्तम सिंगने भारताचे खाते उघडले. याशिवाय जर्मनप्रीत सिंगनेही एक गोल केला. दक्षिण कोरियाकडून जिहुन यांगने एकमेव गोल केला.
भारत ४-१ ने आघाडीवर
या सेमीफायनलच्या तिसऱ्या क्वार्टरच्या शेवटच्या सेकंदात पेनल्टी कॉर्नरद्वारे भारताने चौथा गोल केला. कर्णधार हरमनप्रीत सिंगने उत्कृष्ट फटकेबाजी करीत चेंडू थेट नेटमध्ये टाकला. या स्पर्धेतील भारतीय कर्णधाराचा हा ३१वा गोल आहे.
दोन मिनिटांत दोन गोल
तिसरा क्वार्टर सुरू होताच भारताने आक्रमण केले. भारताकडून जर्मनप्रीत सिंगने गोल केला. त्याचा मैदानी गोल इतका ताकदवान होता की, कोरियाच्या गोलरक्षकाला विचार करण्याचीही संधी मिळाली नाही. मात्र यानंतर लगेच कोरियानेही पुनरागमन केले. पेनल्टी कॉर्नरवर गोल केल्याने सामन्याचा स्कोअर 3-1 असा झाला.
.png "Videos"){kind=small}
