सुरत : दिल्लीत 16 वर्षीय मुलीच्या हत्येच्या (Delhi Murder News) घटनेनं संपुर्ण देशात संतापाची लाट आहे. आरोपीला फाशीची शिक्षा देण्याची मागणी करण्यात येत आहे. आता असचं एक प्रकरण गुजरातमधून समोर येत आहे. गुजरातच्या सुरतमध्ये घरगुती वादातून एका व्यक्तीने आपल्या 19 वर्षीय मुलीवर चाकूने अनेक वार केले. यात मुलीचा जागीच मृत्यू झाला. (Surat Murder News) मुलीला वाचवायला आलेल्या पत्नीवरही याने चाकूने हल्ला केला. आरोपीने आपल्या मुलीला पकडून तिच्यावर अनेक वेळा वार केले. तिचा जीव वाचवण्यासाठी त्याच्या तावडीतून सुटण्याचा प्रयत्न करत ती जवळच्याच एका खोलीत शिरली. तो तिचा पाठलाग करत तिथही गेला आणि तिची हत्या केली. या घटनेचे सीसीटीव्ही फुटेज सोशल मीडियावर व्हायरल झाले आहे. आरोपी पित्याला अटक करण्यात आली आहे.
रामानुज नावाची व्यक्ती आपल्या कुटुंबासोबत सुरतच्या सत्य नगर सोसायटीत भाड्याच्या अपार्टमेंटमध्ये राहत होते. मुलीच्या गच्चीवर झोपण्यावरुन त्याचा पत्नीसोबत वाद झाला होता. वादावादी इतकी वाढली की आरोपीने संतापाच्या भरात मुलीवर चाकूने हल्ला केला. तर तिचा बचाव करायला आलेल्या पत्नीवरही त्याने चाकूने वार केले. पण वेळेवर मुलांनी हस्तक्षेप केल्याने आईचा जीव वाचला. ही संपूर्ण घटना सीसीटीव्ही कॅमेऱ्यात कैद झाली आहे.
सीसीटीव्ही फुटेजनुसार, रात्री 11.20 च्या सुमारास रामानुजने आपल्या पत्नीवर घरातील मुलांसमोर चाकूने हल्ला केला आणि तिला जखमी केले. यादरम्यान त्याच्या मुलांनी त्याला पकडण्याचा प्रयत्न केला त्याला पकडून ठेवले.
या प्रकरणी तात्कळ सुरत पोलिसांना माहिती देण्यात आली. पोलिसांनी वेळ न लावत त्वरित रामानुजाल अटक केली. त्याच्याकडून खुनाचे हत्यारही जप्त करण्यात आले आहे. या प्रकरणाचा प्रमुख तपास निरीक्षक आरके पटेल यांनी सांगितले की, आरोपीला अटक करण्यात आली असून त्याच्याविरुद्ध आयपीसीच्या संबंधित कलमांतर्गत खून आणि खुनाचा प्रयत्न यासह गुन्हा दाखल करण्यात आला आहे. तपास सुरू असताना अधिकाऱ्यांनी पीडित आणि तक्रारदार रेखा यांचे जबाब घेतले आहेत. जखमींवर उपचार सुरू आहेत.
.png "Videos"){kind=small}
