लोणावळ्यात थरार! आईने चिमुकल्या लेकीसह दरीत घेतली उडी; झाडाच्या फांद्यांत अडकले अन्…

लोणावळ्याच्या लायन्स पॉइंटवर आईने आठ वर्षांच्या मुलीसह १०० फूट खोल दरीत उडी घेतली! खोल दरीत कोसळलेल्या मायलेकी झाडाच्या फांद्यांमध्ये अडकल्या. घटनेची माहिती मिळताच पोलीस आणि शिवदुर्ग रेस्क्यू टीमने धाव घेतली. दोरीच्या मदतीने दोघींची सुटका करण्यात आली. कौटुंबिक वादातून हे पाऊल उचलल्याची माहिती असून, पोलीस तपास सुरू आहे.

• १०० फूट खोल दरीत उडी
• झाडाच्या फांद्यांमुळे मायलेकींचे प्राण वाचले
• रेस्क्यू टीमकडून सुखरूप सुटका

लोणावळा : पर्यटनासाठी प्रसिद्ध असलेल्या लोणावळ्यातील लायन्स पॉइंट येथे रविवारी धक्कादायक घटना घडली. एका महिलेने आपल्या आठ वर्षांच्या मुलीसह सुमारे १०० फूट खोल दरीत उडी घेतल्याची माहिती समोर आली आहे. सुदैवाने मायलेकी झाडाच्या फांद्यांमध्ये अडकल्याने त्यांचे प्राण वाचले.

झाडाच्या फांद्यांमध्ये अडकल्या मायलेकी

मिळालेल्या माहितीनुसार, कौटुंबिक वादातून महिलेने हे टोकाचे पाऊल उचलल्याचे सांगितले जात आहे. दरीत पडल्यानंतर आई आणि मुलगी झाडाच्या फांद्यांमध्ये अडकल्या. घटनेची माहिती मिळताच लोणावळा पोलीस आणि शिवदुर्ग रेस्क्यू टीमने घटनास्थळी धाव घेतली.

हेही वाचा:दामिनी पालव हत्या प्रकरणाचा ५ तासांत छडा; एकतर्फी प्रेम, १८ वार अन् आरोपीच्या घरापर्यंत पोहोचले पोलीस!

दोरीच्या साहाय्याने बचावकार्य

सुमारे १०० फूट खोल दरीत अडकलेल्या मायलेकींना दोरीच्या साहाय्याने अत्यंत काळजीपूर्वक बाहेर काढण्यात आले. या घटनेत दोघींनाही किरकोळ दुखापत झाली असून, महिलेला उपचारासाठी लोणावळ्यातील खासगी रुग्णालयात दाखल करण्यात आले आहे.

नेमके कारण काय? पोलिसांचा तपास सुरू

वेळीच बचावकार्य झाल्याने मोठी दुर्घटना टळली. या घटनेमागील नेमके कारण काय होते, याचा लोणावळा ग्रामीण पोलीस तपास करत आहेत.

हेही वाचा:अवघ्या 3 महिन्यांचा संसार, देवीदर्शनाहून परतताना काळाचा घाला! नवविवाहित लोकेशचा दुर्दैवी अंत