Marathi News »
Latest News »
For Patients With Diabetes Special Tips Know The Details Nrvb

तुम्हाला मधुमेह झालाय?, मग ‘हे’ ६ घरगुती उपाय एकदा नक्की करून पाहाच

कोरफड आपल्या आरोग्यासाठी फायदेशीर आहे, हे सर्वांनाच माहिती आहे. कोरफड खाण्यासाठी कडू लागत असली तरी देखील शरीरातील साखरेची पातळी संतुलित राखण्यासाठी कोरफड मदत करते. फक्त कोरफड खाणे शक्य नसल्यास आपण ताकामध्ये कोरफडचा गर घालून पिऊ शकतो.

By Vivek Bhor

Updated On: Jun 03, 2021 | 04:44 PM

तुम्हाला मधुमेह झालाय?, मग ‘हे’ ६ घरगुती उपाय एकदा नक्की करून पाहाच

मुंबई : आजकाल अनेकजण हे मधुमेह ग्रस्त आहेत. या दरम्यान, रक्तातील साखरेची पातळी वाढते. यामुळे शरीरात इन्सुलिनचा अभाव होतो. मधुमेह असलेल्या व्यक्तींनी आपल्या आहाराकडे विशेष लक्ष देणे अत्यंत आवश्यक आहे. विशेष म्हणजे तुम्ही काही घरगुती उपाय करून रक्तातील साखरेची पातळी देखील नियंत्रित करू शकता. आहारात नेमके काय घेतले पाहिजे. ज्यामुळे रक्तातील साखरेची पातळी देखील नियंत्रित राहील हे बघूयात

दालचिनी

दालचिनीमध्ये बायोएक्टिव्ह कंपाऊंड असते. हे मधुमेह विरूद्ध आणि प्रतिबंध करण्यास मदत करते. दालचिनीमुळे शरीरातील इन्सुलिन वाढवण्यास मदत होते. त्यामुळे रक्तातील साखरेची पातळी नियंत्रित होते. मधुमेह असलेल्या व्यक्तीने आपल्या आहारात दालचिनीचा समावेश केला पाहिजे. मात्र, दालचिनीचे अधिक सेवन हानिकारक आहे.

कोरफड

कोरफड आपल्या आरोग्यासाठी फायदेशीर आहे, हे सर्वांनाच माहिती आहे. कोरफड खाण्यासाठी कडू लागत असली तरी देखील शरीरातील साखरेची पातळी संतुलित राखण्यासाठी कोरफड मदत करते. फक्त कोरफड खाणे शक्य नसल्यास आपण ताकामध्ये कोरफडचा गर घालून पिऊ शकतो. ज्या लोकांना मधुमेहाची समस्या आहे. त्यांनी आपल्या आहारात दररोज कोरफड घेतली पाहिजे.

[read_also content=”४० वर्षांनंतर डॉक्टरांवर महिलेने केला वैद्यकीय बलात्काराचा आरोप; प्रेग्नन्सीसाठी केलंय इतक्या हीन पातळीचं घाणेरडं आणि भयंकर दुष्कृत्य https://www.navarashtra.com/latest-news/doctors-of-medical-raping-her-says-40-year-old-woman-accuses-nrvb-137366.html”]

व्हिटॅमिन सी

व्हिटॅमिन सी केवळ त्वचेसाठीच नाही तर मधुमेहासाठी देखील उपयुक्त आहे. अभ्यासातून असे दिसून आले आहे की दररोज ६०० मिलीग्राम व्हिटॅमिन सी घेतल्यास रक्तातील साखरेची पातळी सुधारण्यास मदत होते. ज्या लोकांना तीव्र मधुमेह आहे. त्यांनी आपल्या आहारात दररोज व्हिटॅमिन सी समृद्ध असलेली फळे खावीत. संत्री, किवी, मोसंबी, लिंबू आणि आंबा यामध्ये व्हिटॅमिन सी जास्त प्रमाणात असते.

व्यायाम

टाईप २ मधुमेहामागील मुख्य कारणांपैकी एक अधिक वजन आहे. कोणत्याही प्रकारचा व्यायाम हा दररोज केला पाहिजे. योगा, झुम्बा, एरोबिक्स, चालणे, पळणे यासारखे व्यायाम केल्याने शरीरातील साखरेची पातळी सुधारू शकते. इतकेच नाही तर दररोज चालण्यामुळे रक्तातील साखरेची पातळी कमी होण्यास मदत होते. यामुळे दररोज कोणत्याही प्रकारचा व्यायाम करणे आवश्यक आहे.

[read_also content=”१ तास लवकर झोपण्याने होतात ‘हे’ फायदे; डिप्रेशनचा धोकाही होईल कमी; त्याचे आहेत असेही चांगले परिणाम https://www.navarashtra.com/latest-news/go-to-bed-1-hour-early-will-reduce-the-risk-of-depression-it-also-has-good-results-nrvb-137309.html”]

भरपूर पाणी प्या

मधुमेह असलेल्या व्यक्तींनी जास्त पाणी प्यावे, हे त्यांच्या आरोग्यासाठी फायदेशीर आहे. जास्त पाणी पिल्याने आपल्या शरीरातील साखरेची पातळी व्यवस्थित राहण्यास मदत होते. शिवाय जास्त पाणी पिल्यामुळे आपण हेल्दी आणि निरोगी राहतो.

(टीप : कोणत्याही उपचारांपूर्वी डॉक्टरांचा सल्ला अवश्य घेणे गरजेचे आहे.)

for patients with diabetes special-tips know the details