सोमवार, 9 नोव्हेंबर 2026
फोटो सौजन्य- pinterest
दिवाळीच्या सणानिमित्त नवी मुंबई महानगरपालिकेच्या अधिकारी, कर्मचारी, शिक्षक आणि आशा स्वयंसेविकांना दिल्या जाणाऱ्या सानुग्रह अनुदानाच्या लाभाची व्याप्ती वाढविण्याचा महत्त्वपूर्ण निर्णय नोव्हेंबर महिन्यातील महासभेत घेण्यात आला आहे. यापूर्वी मंजूर करण्यात आलेल्या प्रत्येकी ४५ हजार रुपयांच्या सानुग्रह अनुदानात आता अतिरिक्त कर्मचारी गटांचाही समावेश करण्यात आला असून, पात्र कर्मचाऱ्यांना पूर्ण ४५ हजार रुपयांचे अनुदान देण्याची तरतूद करण्यात आली आहे.
यामध्ये आठही विभागांतील नागरी आरोग्य केंद्रातील राष्ट्रीय नागरी आरोग्य धोरण म्हणजेच एनयूएचएम बाह्य स्रोत अंतर्गत अकाउंटंट कम डेटा एन्ट्री ऑपरेटर, सेवानिवृत्त, स्वेच्छानिवृत्त तसेच दिवंगत कर्मचाऱ्यांच्या कुटुंबियांनाही लाभ मिळणार आहे.
सुरक्षा मंडळामार्फत कार्यरत सुरक्षा रक्षक आणि विशिष्ट अटी पूर्ण करणाऱ्या कंत्राटी कर्मचाऱ्यांनाही या निर्णयाचा फायदा होणार आहे. नोव्हेंबर महिन्यातील महासभेत सभागृह नेते सागर नाईक यांनी तातडीचा ठराव मांडत उपसूचना मांडल्याने कर्मचाऱ्यांच्या सानुग्रह अनुदानाचा मार्ग मोकळा झाला आहे.
नवी मुंबई महानगरपालिकेच्या २ नोव्हेंबर २०२६ रोजी झालेल्या सर्वसाधारण सभेतील सागर नाईक यांच्या ठरावाच्या सूचनेनुसार हा विषय मांडण्यात आला होता. दिवाळीनिमित अधिकारी, कर्मचारी, शिक्षक व आशा स्वयंसेविकांना प्रत्येकी ४५ हजार रुपये सानुग्रह अनुदान देण्याचा प्रस्ताव यापूर्वीच मंजूर करण्यात आला होता. मात्र, महापालिकेच्या विविध विभागांत कार्यस्त असलेल्या काही अतिरिक्त कर्मचारी गटांना या लाभापासून वंचित राहावे लागू नये, या उद्देशाने अनुदानाची व्याप्ती वाढविण्याची मागणी करण्यात आली होती.
या अनुदानासाठी संबंधित विभागांना पात्र कर्मवाऱ्यांची सेवा कालावधी, नियुक्ती, सेवानिवृत्ती अथवा मृत्यूच्या नोंदी तपासण्याची जबाबदारी देण्यात आली आहे. सुरक्षा कर्मचाऱ्यांच्या नियुक्तीची तसेच सुरक्षा मंडळाकडून मिळणाऱ्या बोनसची आणि सेवाधारित कंत्राटांमधील बोनसविषयक तरतुदींचीही पडताळणी करण्यात येणार आहे.
पात्र लाभाथ्यांची यादी, त्यांची संख्या आणि प्रत्यक्ष देव रक्कम प्रमाणित करून अनुदानापोटी यापूर्वी दिलेली रक्कम असल्यास तिचे समायोजन करण्याचे निर्देश देण्यात आले आहेत. प्रत्येक पात्र व्यक्तीला या अनुदानाचा एकदाच लाभ मिळणार आहे प्रमाणित लाभार्थ्यांच्या संख्येनुसार प्रत्यक्ष अतिरिक्त देय रकमेच्या खर्वास मान्यता देण्यात आल्याचे त्यांनी सांगितले.
याशिवाय महापालिकेच्या विविध कामांसाठी नियुक्त केलेल्या सेवाधारित कंत्राटांमधील कर्मचाऱ्यांनाही दिलासा देण्यात आला आहे. ज्या कंत्राटांमध्ये कर्मचाऱ्यांच्या बोनसपोटी ८.३३ टक्के रक्कम काढली जाते किंवा दिवाळी बोनसची तरतूद आहे, असे कंत्राट वगळण्यात येणार आहेत. उर्वरित ज्या कंत्राटांमध्ये दिवाळी बोनसची तरतूद नाही, अशा कंत्राटांअंतर्गत काम करणाऱ्या पात्र बाह्ययंत्रणांतील कर्मचाऱ्यांना प्रत्येकी पूर्ण ४५ हजार रुपये सानुग्रह अनुदान देण्यास मान्यता देण्यात आली आहे. यात पालिका क्षेत्रातील आठही विभागांतील नागरी आरोग्य केंद्रातील राष्ट्रीय नागरी आरोग्य धोरण म्हणजेच एनयूएचएम बाह्य स्रोत अंतर्गत अकाउंटंट कम डेटा एन्ट्री ऑपरेटर यांचा समावेश आहे.
(डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.)
Ans: पात्र कर्मचाऱ्यांना प्रत्येकी ४५ हजार रुपये सानुग्रह अनुदान मिळणार आहे.
Ans: महापालिका अधिकारी, कर्मचारी, शिक्षक, आशा स्वयंसेविका, सुरक्षा रक्षक आणि पात्र कंत्राटी कर्मचाऱ्यांना लाभ मिळणार आहे.
Ans: प्रत्येक पात्र व्यक्तीला या सानुग्रह अनुदानाचा लाभ केवळ एकदाच मिळणार आहे.
