सौजन्य : सोशल मीडिया
नवी दिल्ली : भारतीय लष्करप्रमुख जनरल मनोज पांडे यांच्या पदाचा कार्यकाळ संपल्याने आता त्यांच्या जागी जनरल उपेंद्र द्विवेदी यांची नियुक्ती करण्यात आली आहे. त्यानुसारच, आता भारताचे लष्करप्रमुख म्हणून जनरल द्विवेदी पदभार यांनी हा पदभार स्वीकारला आहे. त्यामुळे आता लेफ्टनंट जनरल उपेंद्र द्विवेदी हे भारतीय लष्कराचे 30 वे लष्करप्रमुख ठरले आहेत.
जनरल उपेंद्र द्विवेदी यांनी यापूर्वी लष्करात विविध पदे भूषवली आहेत. त्यांनी त्यांनी उपलष्कर प्रमुख, नॉर्दर्न आर्मी कमांडर, डीजी इन्फंट्री आणि लष्करामध्ये इतर अनेक पदांवर देशाची सेवा केली आहे. जनरल द्विवेदी यांनी 39 वर्षांच्या लष्करी कारकिर्दीत काश्मीर खोऱ्यात तसेच राजस्थानमध्ये आपल्या युनिटचे नेतृत्व केले. जनरल द्विवेदी यांना चीन आणि पाकिस्तानच्या सीमेवर काम करण्याचा व्यापक अनुभव आहे. त्यांनी उपलष्करी प्रमुख म्हणूनही काम केले आहे.
चीनसोबतचा सीमावाद सोडवण्यात महत्त्वाची भूमिका
जनरल द्विवेदी हे सीमा विवाद सोडवण्यासाठी चीनसोबत सुरू असलेल्या चर्चेत सक्रियपणे सहभाग राहिला आहे. भारतीय लष्कराच्या सर्वात मोठ्या लष्करी कमांडच्या आधुनिकीकरणातही त्यांचा सहभाग राहिला आहे. त्यांनी ‘आत्मनिर्भर भारत’ अंतर्गत स्वदेशी शस्त्रे स्वीकारण्याच्या मोहिमेचे नेतृत्व केले.
जनरल पांडे यांना ‘गार्ड ऑफ ऑनर’
जनरल मनोज पांडे यांच्या कार्यकाळाच्या शेवटच्या दिवशी औपचारिक निरोप देण्यात आला. पांडे यांनी लष्करप्रमुख म्हणून 26 महिने देशाची सेवा केली. आपल्या कार्यकाळाच्या शेवटच्या दिवशी दिल्लीतील राष्ट्रीय युद्ध स्मारकाला भेट देऊन आदरांजली वाहिली. जनरल पांडे यांना निवृत्तीचा ‘गार्ड ऑफ ऑनर’ देण्यात आला.
