एकदिवसीय सामन्यातील पंचाला किती मिळतोय पगार; पुरुष आणि महिला पंचांच्याच पगारात काय आहे फरक, वाचा सविस्तर

Umpire Salary in ODI Cricket : आंतरराष्ट्रीय क्रिकेटमध्ये पंचांचे पगार हे फॉरमॅटवर अवलंबून असतात. म्हणजेच कसोटी, एकदिवसीय आणि टी-20 आंतरराष्ट्रीय सामन्यातील पंचांचा पगार वेगळा असतो. यामध्ये अनेकांचे पगार आपल्याला माहिती नाही.

Umpire Salary in ODI Cricket : क्रिकेटमध्ये अंपायरची भूमिकाही खूप खास असते. अंपायरशिवाय आंतरराष्ट्रीय सामन्याची कल्पनाही करता येत नाही. चाहते अनेकदा पंचाचा पगार जाणून घेण्यात रस दाखवतात. येथे आम्ही तुम्हाला एकदिवसीय सामन्याच्या अंपायरच्या पगाराबद्दल सांगणार आहोत. तसेच, एखादी व्यक्ती अंपायर कशी बनू शकते हे जाणून घ्यायचे असेल, तर तुम्हाला त्याची संपूर्ण माहिती येथे मिळेल.

कोण बनू शकते पंच

तुमच्या माहितीसाठी आम्ही तुम्हाला सांगतो की, अंपायर होण्यासाठी तुम्ही क्रिकेट खेळलेच असण्याची गरज नाही. मात्र, तुमच्यासाठी क्रिकेट आणि या खेळाच्या नियमांची माहिती असणे महत्त्वाचे आहे. याशिवाय तुमची दृष्टी चांगली असायला हवी आणि फिटनेसही चांगला असायला हवा, कारण संपूर्ण सामन्यादरम्यान अंपायरला मैदानावर उभे राहावे लागते.
पंच बनण्यासाठी लागणारी पात्रता
सर्वप्रथम तुम्हाला स्थानिक सामन्यांमध्ये अंपायरिंग करावे लागेल. स्थानिक सामन्यांमध्ये अंपायरिंग करण्याचा अनुभव तुमच्यासाठी खूप उपयुक्त ठरेल. त्यानंतर तुम्हाला राज्य क्रिकेट असोसिएशनमध्ये नोंदणी करावी लागेल. यानंतर तुम्ही बीसीसीआयमध्ये अंपायर होण्यासाठी पात्र व्हाल. मात्र, बीसीसीआय अंपायर होण्यासाठी तुम्हाला परीक्षा द्यावी लागेल. मंडळ दरवर्षी स्तर 1 ची परीक्षा घेते. यासाठी बीसीसीआय तीन दिवसांचा कोचिंग क्लासही उपलब्ध करून देते.
ODI सामन्यासाठी अंपायरला असतो एवढा पगार
आंतरराष्ट्रीय क्रिकेटमध्ये अंपायरचा पगार त्याच्या अनुभवावर अवलंबून असतो. हाच नियम एकदिवसीय सामन्यांमध्येही लागू होतो. एलिट पॅनलमध्ये सामील झालेल्या पंचांना प्रतिसामन्यासाठी सुमारे $3000 पगार मिळतो. गेल्या काही वर्षांत पंचांच्या पगारात कोणतीही वाढ झालेली नाही. मात्र, विश्वचषकातील एका सामन्यात पंचाला ५००० डॉलर्सपर्यंतचे मानधन मिळते.