इंडियन बॅंकेमध्ये 300 स्थानिक बॅंक अधिकारी पदासाठी भरती प्रक्रिया सुरु! तात्काळ करा अर्ज

इंडियन बँकेने 300 स्थानिक बँक अधिकारी (LBO) स्केल 1 साठी भरतीप्रक्रिया सुरु केली आहे. या भरतीसाठीची ऑनलाइन अर्जप्रक्रिया सुरु करण्यात आली आहे. जाणून घ्या या भरतीप्रक्रियेविषयी

भारतातील सार्वजनिक क्षेत्रातील मोठ्या बॅंकेपैकी एक असणाऱ्या इंडियन बँकेने 300 स्थानिक बँक अधिकारी (LBO) स्केल 1 साठी भरतीप्रक्रिया सुरु केली आहे. या भरतीसाठीची ऑनलाइन अर्जप्रक्रिया सुरु करण्यात आली आहे. या भरतीसाठीची  अर्ज भरण्याची शेवटची तारीख 2 सप्टेंबर आहे.  300 जांगापैकी 160 जागा तामिळनाडूसाठी, 50 जागा आंध्र प्रदेश आणि तेलंगणासाठी, 40 जागा महाराष्ट्रासाठी, 35 जागा कर्नाटकात आणि 15 जागा गुजरातसाठी उपलब्ध आहेत.

इंडियन बँक रिक्रूटमेंट 2024 च्या निवड प्रक्रियेनुसार, जे उमेदवार अर्ज करणार आहेत त्यांना  परीक्षेला बसावे लागेल, त्यानंतर मुलाखत, कागदपत्र पडताळणी आणि वैद्यकीय तपासणी करावी लागेल. उमेदवारांना लेखी परीक्षेसोबत भाषा प्राविण्य चाचणी देखील द्यावी लागेल.

हे देखील वाचा-ना मुलाखत होणार, ना कोणती परीक्षा; भारतीय रेल्वेत नोकरीसाठी आजच अर्ज करा

शैक्षणिक पात्रता  आणि वयोमर्यादा 

मान्यताप्राप्त शैक्षणिक संस्थेतून  पदवी घेतलेले सर्व उमेदवार इंडियन बँक भर्ती २०२४ साठी अर्ज करू शकतात. उमेदवाराचे वय 20 ते 30 वर्षांच्या दरम्यान असावे. सरकारी नियमांनुसार, राखीव प्रवर्गातील उमेदवारांना वयामध्ये सवलत दिली गेली आहे.

चार टप्प्यांमध्ये निवड प्रक्रिया

• 200 गुणांची  लेखी परीक्षा
• 100 गुणांची मुलाखत
• कागदपत्र पडताळणी
• वैद्यकीय चाचणी

अर्ज प्रक्रिया 

अर्ज स्वरुप – ऑनलाईन

अर्ज करण्याची शेवटची तारीख- 2 सप्टेंबर 2024

अर्ज फी

सर्व उमेदवारांसाठी अर्जाची फी रु 1000 आणि SC/ST/PWBD उमेदवारांसाठी रु. 175 आहे. डेबिट/क्रेडिट कार्ड किंवा इंटरनेट बँकिंगद्वारे पेमेंट केले जाऊ शकते.

हे देखील वाचा-‘या’ सरकारी नोकरीसाठी 10 पास उमेदवारही करु शकतो अर्ज ! पगार 81 हजार रुपयांपर्यंत

इंडियन बँक भर्ती 2024: असा करा अर्ज 

• सर्वप्रथम इंडियन बँकेच्या अधिकृत वेबसाइट indianbank.in वर जा.
• त्यानंतर  ‘ऑनलाइन अर्ज करा’ लिंकवर क्लिक करा.
• लॉगिन क्रेडेन्शियलसाठी नोंदणी प्रक्रिया पूर्ण करा.
• तुम्हाला ईमेल आणि एसएमएसद्वारे नोंदणी क्रमांक आणि पासवर्ड मिळेल.
• त्यांनतर संपूर्ण अर्ज भरा
• अर्ज भरल्यानंतर त्यासोबत आवश्यक कागदपत्रे अपलोड करा.
• अर्ज शुल्क भरा. अर्ज सबमिट करा.
• पुढील निवड प्रक्रियेसाठी भरलेल्या अर्जाची  प्रिंटआउट काढा आणि स्वत:कडे ठेवा.

नोटीफिकेशन साठी इथे किल्क करा .