Shivsena dasra Melava budget : “63 कोटी लागणार आहेत म्हणे….! ठाकरेंच्या दसऱ्याचा मेळाव्याचा भाजपने थेट मांडला हिशोब

Shivsena dasra Melava 2025 : दसऱ्याच्या निमित्ताने शिवतीर्थावर ठाकरे गटाचा दसरा मेळावा पार पडणार आहे. याच्या बजेटवरुन भाजप प्रवक्ते केशव उपाध्ये यांनी जोरदार निशाणा साधला असून टीका केली आहे.

Shivsena dasra Melava budget : मुंबई : नवरात्रौत्सावाची सांगता होणार असून दसरा सणाची तयारी सुरु झाली आहे. विजयादशमीसाठी राजकीय वर्तुळामध्ये जोरदार तयारी केली जाते. दसऱ्याच्या निमित्ताने अनेक राजकीय नेते हे मेळावे घेत असतात. यामध्ये शिवसेनेचा दसरा मेळावा हा जोरदार चर्चेत असतो. बाळासाहेब ठाकरे असल्यापासून शिवसेनेचा शिवतीर्थावर शिवसैनिकांना विचारांचे सोने लुटले जाते. मात्र आता ठाकरे गटाच्या मेळाव्याच्या बजेटची जोरदार चर्चा रंगली आहे.

राज्यामध्ये तुफान पाऊस झाल्यामुळे शेतकऱ्यांची शेती पूर्णपणे वाहून गेली आहे. यामुळे शेतकऱ्यांना अर्थिक मदत करण्याचे आवाहन केले जात आहे. ठाकरे गटाने त्यांच्या दसरा मेळावा रद्द करुन ते पैसे शेतकऱ्यांना द्यावे असा टोला देखील भाजपने यापूर्वी ठाकरे गटाला लगावला होता. यानंतर आता भाजप प्रवक्ते केशव उपाध्ये यांनी सोशल मीडियावर पोस्ट करुन शिवसेना ठाकरे गटाच्या दसरा मेळाव्याच्या बजेटचा आकडा सांगितला आहे. याबाबत त्यांनी एक्सवर पोस्ट लिहून धक्कादायक आकडा सांगितला.

राजकीय बातम्या वाचण्यासाठी क्लिक करा

भाजप प्रवक्ते केशव उपाध्ये यांनी एक्सवर पोस्ट करत ठाकरे गटाच्या मेळाव्याबाबत मोठा दावा केला. उपाध्ये यांनी लिहिले आहे की,  ६३ कोटीचा दसरा मेळावा. नऊ हा ‘आकडा’ लाभदायक असल्याचे कुणीतरी सांगितल्यापासून उबाठाचे सगळे व्यवहार या आकड्यांवर अवलंबून असतात. निवडणुकीतील उमेदवारांच्या संख्येची बेरीज नऊ हवी, टक्केवारी नऊपेक्षा कमी नसावी, इतकेच काय, दोघा भावांमध्ये असलेल्या ३६ च्या आकड्याची बेरीजही नऊ असावी याची नेहमीच काळजी घेणाऱ्या या गटाचा दसरा मेळाव्याचे नियोजनही ६३ कोटींच्या घरात असणार आहे. गटाच्या गोटातील सूत्रांनी दिलेली ही अत्यंत खात्रीलायक माहिती!!

See more

६३ कोटीचा दसरा मेळावा नऊ हा ‘आकडा’ लाभदायक असल्याचे कुणीतरी सांगितल्यापासून उबाठाचे सगळे व्यवहार या आकड्यांवर अवलंबून असतात. निवडणुकीतील उमेदवारांच्या संख्येची बेरीज नऊ हवी, टक्केवारी नऊपेक्षा कमी नसावी, इतकेच काय, दोघा भावांमध्ये असलेल्या ३६ च्या आकड्याची बेरीजही नऊ असावी याची… — Keshav Upadhye (@keshavupadhye) October 1, 2025

मेळाव्यासाठी तब्बल ६३ कोटीचे नियोजन झाल्याचे या गटातील नेत्यानेच हर्षोल्हासित होत सांगितले. सभा ठिकाण, स्टेज सजावट, जाहिराती, सोशल मिडीया, त्याशिवाय लोकांना आणायला गाड्या, गाडीत बसून लोकांनी मेळाव्याला यावे म्हणून, शिवाय त्यांच्या वडापाव, चहापाण्याची व्यवस्था……. असं सगळं मिळून हे ६३ कोटी लागणार आहेत म्हणे. या ६३ कोटी मध्ये अतीवृष्टीच्या संकटात सापडलेल्या मराठवाड्यात किती गावातील शेतकऱ्यांना मदत झाली असती? किती घरे वसवली गेली असती?

महाराष्ट्रसंबंधित बातम्या वाचण्यासाठी क्लिक करा

शिवसेनाप्रमुख बाळासाहेब ठाकरे असताना लोक स्वतःहून उत्साहात यायचे. तेव्हा सेना प्रमुखाचं विचारांच सोनं असायच. आता तशी परिस्थिती नाही! मागचे काही मेळावे आठवा… मिंधे, खंजीर, माझा पक्ष चोरला, चिन्ह चोरलं ही रडगाणी ऐकायला एकट्या गटातून गर्दी पण गोळा होत नाही म्हणून ३६ चा आकडा मोडून ६३ ची गोळाबेरीज करण्याचा हा आटापीटा!! नाकी नऊ आले म्हणतात ते हेच!! रडगाण्याचे तेच बेसूर सूर आळवायला खरंच ६३ कोटीचा मेळावा घ्यायची गरज आहे का? हवं तर उद्धव ठाकरेंच्या नावाने मराठवाड्यात मदत करा पण हे ६३ कोटी महाराष्ट्राच्याच उभारणीत लावा, असा घणाघाती टोला भाजप नेते केशव उपाध्ये यांनी लगावला आहे.