टी-20 वर्ल्डकप ट्रॉफी सिद्धिविनायकाच्या चरणी; रोहित शर्मा आणि जय शाह यांनी विश्वचषकासोबत घेतले बाप्पाचे दर्शन

Rohit Sharma and Jay Shah Visit Siddhivinayak Temple : टी-20 वर्ल्डकप 2024 भारतीय संघाने जिंकत ऐतिहासिक कामगिरी केली. या विजयानंत हा विश्वचषकाची भव्य-दिव्य मिरवणूक मुंबईत काढण्यात आली. त्यानंतर आज रोहित शर्मा आणि जय शाह यांनी विश्वचषकासोबत सिद्धिविनायक मंदिरात बाप्पाचे दर्शन घेतले.

T-20 World Cup Trophy with Rohit Sharma and Jay shah Visit Siddhivinayak Temple

Follow Us:

Follow Us:

Rohit Sharma and Jay Shah Visit Siddhivinayak Temple : भारतीय संघाने यंदाच्या टी-20 विश्वचषकात ऐतिहासिक कामगिरी करीत विश्वचॅम्पियन बनली. भारतीय संघाने टी-20 विश्वचषक आपल्या नावावर केला. त्यानंतर या ट्रॉफीची न भूतो न भविष्यती! अशी मिरवणूक काढण्यात आली. यानंतर आज भारताचा कर्णधार रोहित शर्मा आणि बीसीसीआय सचिव जय शाह हे सिद्धिविनायक मंदिरात दर्शनासाठी पोहोचले आहेत. त्याचा हा फोटो सोशल मीडियावर मोठ्या प्रमाणात व्हायरल झाला आहे. जय शाह आणि रोहितने भारताने जिंकलेली टी-20 वर्ल्ड कप ट्रॉफीही सिद्धिविनायकाच्या चरणी नेली आहे. विशेष म्हणजे या ट्रॉफीला पुष्पहार घालून पूजनही करण्यात आले.

Indian skipper Rohit Sharma and BCCI secretary Jay Shah visited the Shree Siddhivinayak Ganapati Temple in Mumbai with the T20 World Cup 2024 trophy.

📸: siddhivinayakonline/Instagram pic.twitter.com/vnRcjySxEZ

— CricTracker (@Cricketracker) August 21, 2024

दक्षिण आफ्रिकेचा 7 धावांनी पराभव

29 जून रोजी टी-20 वर्ल्ड कपच्या अंतिम सामन्यात भारताने दक्षिण आफ्रिकेचा 7 धावांनी पराभव केला आणि इतिहासात दुसऱ्यांदा क्रिकेटच्या सर्वात लहान फॉरमॅटमध्ये विश्वविजेतेपद पटकावले. त्या ऐतिहासिक विजयानंतर रोहित शर्मा आणि विराट कोहलीनेही टी-20 क्रिकेटमधून निवृत्ती जाहीर केली. दुसऱ्याच दिवशी रवींद्र जडेजानेही या फॉरमॅटला अलविदा केला.

रोहित शर्मा आणि जय शाह विश्वचषकासोबत सिद्धिविनायकाच्या चरणी

Captain Rohit Sharma & Jay Shah with the T20 WC Trophy at the Siddhivinayak Temple. ❤️ 🇮🇳

– Picture of the Day. pic.twitter.com/IGnZQMOrWn

— Johns. (@CricCrazyJohns) August 21, 2024

भारतीय संघासमोर मोठे आव्हान
पुढील काही महिने भारतीय संघासाठी खूप व्यस्त असणार आहेत. टीम इंडियाला सप्टेंबरमध्ये बांगलादेशविरुद्ध 2 कसोटी आणि 3 टी-20 सामने खेळायचे आहेत. त्यानंतर भारत तीन कसोटी सामन्यांच्या मालिकेसाठी न्यूझीलंडचे यजमानपद भूषवणार आहे. सध्या बहुप्रतिक्षित सामना बॉर्डर-गावसकर ट्रॉफीचा आहे. भारत आणि ऑस्ट्रेलिया यांच्यातील या पाच कसोटी सामन्यांच्या मालिकेला 22 नोव्हेंबरपासून सुरुवात होणार आहे. पुढील वर्षाची सुरुवातही टीम इंडियासाठी सुखकर होणार नाही. ऑस्ट्रेलियाविरुद्धची मालिका संपल्यानंतर भारताला इंग्लंडचे यजमानपद भूषवायचे आहे.

Web Title: T20 world cup trophy 2024 at siddhivinayak temple mumbai rohit sharma and jai shah visited bappa along with t20 world cup 2024

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com