‘चला हवा येऊ द्या’च्या सेटवर उदयनराजेंची ‘हव्वा’

आपल्या हटके स्टाईलसाठी प्रसिद्ध असलेले साताऱ्याचे खासदार उदयनराजे भोसले यांनी आपला हटके अंदाज पुन्हा एकदा दाखवून दिला. त्यांच्या वाढदिवसानिमित्त जिल्हा परिषदेच्या मैदानावर आयोजित चला हवा येऊ द्या या कार्यक्रमाच्या सेटवर उदयनराजे यांनी बाईकवर स्वार होत थेट साठ फूट उंच हवेतून स्टेजवर एन्ट्री केली.

Follow Us:

Follow Us:

सातारा : आपल्या हटके स्टाईलसाठी प्रसिद्ध असलेले साताऱ्याचे खासदार उदयनराजे भोसले यांनी आपला हटके अंदाज पुन्हा एकदा दाखवून दिला. त्यांच्या वाढदिवसानिमित्त जिल्हा परिषदेच्या मैदानावर आयोजित चला हवा येऊ द्या या कार्यक्रमाच्या सेटवर उदयनराजे यांनी बाईकवर स्वार होत थेट साठ फूट उंच हवेतून स्टेजवर एन्ट्री केली. राजेंच्या या थरारक एंट्रीला सातारकरांनी टाळ्या वाजवून जोरदार प्रतिसाद दिला.

गेल्या आठवडाभरापासून आधी छत्रपती शिवाजी महाराज आणि त्यानंतर त्यांचे तेरावे वंशज खासदार उदयनराजे भोसले यांच्या वाढदिवसानिमित्त साताऱ्यात सातत्याने विविध कार्यक्रम सुरू आहेत उदयनराजे भोसले मित्र समूहाच्या वतीने जिल्हा परिषदेच्या मैदानावर डॉक्टर निलेश साबळे आणि त्यांच्या कलाकारांचा सुप्रसिद्ध चला हवा येऊ द्या हा कार्यक्रम आयोजित करण्यात आला होता. डॉक्टर निलेश साबळे यांच्या नर्मविनोदी सूत्रसंचालनासह इतर कलाकारांचा फर्मास विनोद यामुळे कार्यक्रम रंगत चालला होता.

कार्यक्रम सुरू झाल्यानंतर तासाभराने अगदी हटके स्टाइलमध्ये खासदार उदयनराजे भोसले यांची 60 फूट उंचीवर असणाऱ्या बाईक वरून उदयनराजे यांची खास शैलीत एन्ट्री झाली.

बाईकच्या दोन्ही बाजूने जोरदार फायर वर्क्स सुरू होते या एन्ट्रीची समस्त सातारकरांनी टाळ्या वाजवून नोंद घेतली. कधी शिट्टी कधी कॉलर कधी गाणे तर कधी एखादा हटके अंदाज अशासाठी प्रसिद्ध असणाऱ्या उदयनराजे यांनी पुन्हा एकदा सातारकरांची मने जिंकली.

Web Title: Udayanraje bhosale royal entry in chala hava yeu dya program nrka

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com