इटालियन पदार्थाला देसी टच, घरच्या घरी सोप्या पद्धतीने बनवा मसालेदार ‘मॅक्रोनी पास्ता’

ही रेसिपी बनवताना कोणत्याही खास सॉसची गरज नसते. आपल्या घरच्या मसाल्यांनीच उत्तम चव येते. शिवाय यात भाज्यांचा वापर केला तर पोषणमूल्य वाढते आणि ही डिश हेल्दीही बनते. लहान मुलांना खुश करण्यासाठी किंवा अचानक घरी आलेल्या पाहुण्यांना काही चवदार सर्व्ह करण्यासाठी हा एक उत्तम पर्याय आहे. चला तर मग लगेच नोट करून घेऊयात हा देसी पास्ता बनवण्यासाठी लागणारे साहित्य आणि कृती.

साहित्य

• १ कप मॅक्रोनी
• १ मध्यम आकाराचा कांदा (बारीक चिरलेला)
• २ टोमॅटो (बारीक चिरलेले)
• १ हिरवी मिरची (बारीक चिरलेली)
• १ चमचा आलं-लसूण पेस्ट
• १/४ कप गाजर, ढोबळी मिरची, मटार (इच्छेनुसार)
• १/२ चमचा हळद
• १ चमचा लाल तिखट
• १ चमचा गरम मसाला
• मीठ चवीनुसार
• २ टेबलस्पून तेल/लोणी
• थोडी कोथिंबीर सजावटीसाठी

कृती

• सर्वप्रथम पाणी उकळून त्यात मीठ व थोडं तेल घालून मॅक्रोनी शिजवून घ्या. मॅक्रोनी मऊ पण चिकट होऊ नये.
• शिजलेली मॅक्रोनी गाळून बाजूला ठेवा.
• कढईत तेल गरम करून त्यात कांदा परतून घ्या जोपर्यंत तो सोनेरी रंगाचा होईपर्यंत.
• आता त्यात आलं-लसूण पेस्ट, हिरवी मिरची घालून छान परता.
• टोमॅटो घालून शिजू द्या, जेणेकरून मऊसर पेस्ट तयार होईल.
• आता हळद, लाल तिखट, गरम मसाला व मीठ टाका. मसाला नीट भाजून घ्या.
• इच्छेनुसार गाजर, मटार, ढोबळी मिरची यांसारख्या भाज्या घालून २-३ मिनिटे परता.
• आता त्यात शिजवलेली मॅक्रोनी घालून नीट मिसळा.
• वरून कोथिंबीर टाकून गरमागरम सर्व्ह करा.
• हवे असल्यास वरून चीज किसून टाकल्यास चव अजून वाढते.
• मुलांसाठी कमी तिखट करून केचपसोबत देऊ शकता.
• भाज्या आवडीनुसार वाढवता किंवा कमी करता येतात.

संबंधित बातम्या