इटालियन पदार्थाला देसी टच, घरच्या घरी सोप्या पद्धतीने बनवा मसालेदार ‘मॅक्रोनी पास्ता’

Macroni Pasta Recipe : लहान मुलांच्या आवडीचा हा पास्ता तुम्ही देसी स्टाईलमध्ये घरीच तयार करू शकता. भाज्या आणि सॉसेसमध्ये रंगून गेलेली याची चव नक्कीच घरातील सर्वांनाच फार आवडेल.

आजकाल पास्ता, मॅक्रोनी यांसारख्या पाश्चात्य डिशेस मुलांपासून मोठ्यांपर्यंत सगळ्यांच्या आवडीच्या झाल्या आहेत. पण जर या डिशेसमध्ये आपल्याला देशी ट्विस्ट मिळाला तर त्याची चव अजूनच खास होते. भारतीय मसाले, कांदा, टोमॅटो, आलं-लसूण यांचा वापर करून बनवलेली देशी मॅक्रोनी पास्ता ही एक झटपट, चवदार आणि पोटभरीची रेसिपी आहे. शाळेत जाणाऱ्या मुलांच्या टिफिनसाठी, संध्याकाळच्या नाश्त्यासाठी किंवा हलक्या रात्रीच्या जेवणासाठी ही डिश अगदी परफेक्ट ठरते.

मासेप्रेमींसाठी खास! सुगंधित आणि लज्जतदार चवीने भरलेली डिश; जाणून घ्या रेस्टॉरंट स्टाईल ‘बटर गार्लिक प्रॉन्स’ रेसिपी

ही रेसिपी बनवताना कोणत्याही खास सॉसची गरज नसते. आपल्या घरच्या मसाल्यांनीच उत्तम चव येते. शिवाय यात भाज्यांचा वापर केला तर पोषणमूल्य वाढते आणि ही डिश हेल्दीही बनते. लहान मुलांना खुश करण्यासाठी किंवा अचानक घरी आलेल्या पाहुण्यांना काही चवदार सर्व्ह करण्यासाठी हा एक उत्तम पर्याय आहे. चला तर मग लगेच नोट करून घेऊयात हा देसी पास्ता बनवण्यासाठी लागणारे साहित्य आणि कृती.

साहित्य

• १ कप मॅक्रोनी
• १ मध्यम आकाराचा कांदा (बारीक चिरलेला)
• २ टोमॅटो (बारीक चिरलेले)
• १ हिरवी मिरची (बारीक चिरलेली)
• १ चमचा आलं-लसूण पेस्ट
• १/४ कप गाजर, ढोबळी मिरची, मटार (इच्छेनुसार)
• १/२ चमचा हळद
• १ चमचा लाल तिखट
• १ चमचा गरम मसाला
• मीठ चवीनुसार
• २ टेबलस्पून तेल/लोणी
• थोडी कोथिंबीर सजावटीसाठी

नवरात्रीच्या उपवासानिमित्त १० मिनिटांमध्ये झटपट बनवा रताळ्याचा हलवा, नोट करून घ्या पारंपरिक पदार्थ

कृती

• सर्वप्रथम पाणी उकळून त्यात मीठ व थोडं तेल घालून मॅक्रोनी शिजवून घ्या. मॅक्रोनी मऊ पण चिकट होऊ नये.
• शिजलेली मॅक्रोनी गाळून बाजूला ठेवा.
• कढईत तेल गरम करून त्यात कांदा परतून घ्या जोपर्यंत तो सोनेरी रंगाचा होईपर्यंत.
• आता त्यात आलं-लसूण पेस्ट, हिरवी मिरची घालून छान परता.
• टोमॅटो घालून शिजू द्या, जेणेकरून मऊसर पेस्ट तयार होईल.
• आता हळद, लाल तिखट, गरम मसाला व मीठ टाका. मसाला नीट भाजून घ्या.
• इच्छेनुसार गाजर, मटार, ढोबळी मिरची यांसारख्या भाज्या घालून २-३ मिनिटे परता.
• आता त्यात शिजवलेली मॅक्रोनी घालून नीट मिसळा.
• वरून कोथिंबीर टाकून गरमागरम सर्व्ह करा.
• हवे असल्यास वरून चीज किसून टाकल्यास चव अजून वाढते.
• मुलांसाठी कमी तिखट करून केचपसोबत देऊ शकता.
• भाज्या आवडीनुसार वाढवता किंवा कमी करता येतात.