Weight Loss: R. Madhavan ने सांगितला केवळ 21 दिवसात वजन कमी करण्याचा सोपा आणि स्वस्त उपाय, कसे जाणून घ्या

अभिनेता आर. माधवनने त्याच्या 'रॉकेट्री: द नंबी इफेक्ट' या चित्रपटासाठी वजन वाढवले, पण त्याने ते २१ दिवसांत कमी केले. त्याचा वजन कमी करण्याचा प्रवास शेअर केला आहे, तुम्हीही जाणून घ्या कसा घडला चमत्कार

• अभिनेता आर. माधवनने अलीकडेच वजन कमी करण्याचा प्रवास शेअर केला
• त्याने कोणतेही औषध किंवा कसरत न करता वजन कमी केले
• अभिनेत्याने अवघ्या २१ दिवसांत त्यांचे सर्व अतिरिक्त वजन कमी केले आहे 

वजन कमी करण्याचा विचार केला तर लोक अनेकदा जिम, हार्डकोअर व्यायाम किंवा शस्त्रक्रिया असे पर्याय निवडतात. तथापि, अभिनेता आर. माधवन यांनी अलीकडेच वजन कमी करण्यासाठी एक नवीन पद्धत सांगितली आहे. २०२२ मध्ये आलेल्या त्यांच्या ‘रॉकेट्री: द नंबी इफेक्ट’ या चित्रपटात शास्त्रज्ञ नंबी नारायणन यांच्या भूमिकेसाठी माधवनने बरेच किलो वजन वाढवले, परंतु अवघ्या २१ दिवसांत त्याने ते वाढलेले वजन कमी केले होते. 

आश्चर्य म्हणजे, वजन कमी करण्यासाठी अभिनेत्याने व्यायाम, शस्त्रक्रिया किंवा पूरक आहारांचा अवलंब केला नाही. यामुळे त्यांचे वजन कसे कमी झाले हा प्रश्न उपस्थित होतो. अभिनेत्याने स्वतःच याचे उत्तर दिले आहे. अलिकडेच एका मुलाखतीत आर. माधवनने त्याचा वजन कमी करण्याचा प्रवास शेअर केला. काय आहे नक्की सिक्रेट जाणून घेऊया 

वजन कमी करण्याचा योग्य मार्ग 

अभिनेत्याने स्पष्ट केले की त्याचे वजन कमी करणे हे काही मूलभूत गोष्टींवर आधारित होते, ज्यामध्ये तो काय आणि कसे खातो या गोष्टींचा समावेश होता. एका मुलाखतीत त्याने स्पष्ट केले की जेवताना कशा पद्धतीने घास चावायचा ही गोष्ट त्याच्या वजन कमी करण्यासाठी सर्वात महत्वाचे पाऊल होते. त्याने केवळ त्याच्या अन्न चावण्याच्या सवयी बदलल्या नाहीत तर संपूर्ण पद्धत योग्यरित्य आत्मसात केली. अन्नाच प्रत्येक घास त्याने किमान ४५-६० वेळा चावला. त्याने त्याचे सर्व लक्ष यावर केंद्रित केले आणि ते त्याच्या शरीरासाठी फायदेशीर ठरले.

एका अभ्यासात अन्न चघळणे आणि वजन कमी करणे यांच्यातील दुवा देखील उघड झाला आहे. जर्नल ऑफ द अकादमी ऑफ न्यूट्रिशन अँड डायटेटिक्समध्ये प्रकाशित झालेल्या २०१४ च्या अभ्यासानुसार, गिळण्यापूर्वी अन्न पूर्णपणे चावल्याने अन्नाचे सेवन कमी होते आणि वजन नियंत्रित करण्यास मदत होते असे सांगण्यात आले आहे. 

ना सुरकुत्या ना कोरडी त्वचा, 55 व्या वर्षीही R Madhavan च्या चमकदार त्वचेचं रहस्य आहे 1 तेल, देतोय तरूणांना मात

योग्य जेवण निवडणे महत्वाचे 

आर. माधवनने असेही उघड केले की वजन कमी करण्यासाठी, त्याने त्याच्या शरीराचे ऐकले आणि त्याच्यासाठी योग्य असलेले अन्न आहारात समाविष्ट केले. त्याने यासाठी अ‍ॅलर्जी चाचणी केली, ज्यामुळे त्याला कोणते अन्न आपल्या शरीरासाठी योग्य नाही हे ओळखण्यास मदत झाली. त्यानंतर, आर. माधवनने साधे, पौष्टिक आणि पचण्यास सोपे असलेले अन्न खाण्यास सुरूवात केली. 

हे साध्य करण्यासाठी, त्याने त्याच्या आहारात हिरव्या भाज्या आणि ताजे शिजवलेले पदार्थ समाविष्ट केले आणि प्रक्रिया केलेले पदार्थ पूर्णपणे वगळले. त्याने आणखी एक नियम पाळला आणि तो म्हणजे माधवन दुपारी ३ नंतर कच्चे पदार्थ पूर्णपणे टाळत असे. या काळात, त्याने फक्त ताजे शिजवलेले पर्याय निवडले. इतकंच नाही तर रात्रीचे जेवण संध्याकाळी ६:४५ वाजता माधवन जेवत होता. 

R Madhavan: ‘चित्रपट मोठा असो वा छोटा, तो फक्त तेव्हाच चालतो जेव्हा…’, कल्ट चित्रपटांच्या पुनर्प्रदर्शनवर काय म्हणाला अभिनेता?

Intermittent Fasting ची झाली मदत

वजन कमी करण्याच्या प्रवासात इंटरमिटेंट फास्टिंग करणेदेखील अभिनेत्याच्या दैनंदिन दिनचर्येचा एक भाग बनले. माधवन म्हणाला की त्याने जेवणाची वेळ त्याच्यासाठी योग्य ठरवली आणि ती पाळली. अन्न पूर्णपणे चावण्यासोबतच, या पद्धतीने त्याला त्याचे शरीर हलके आणि अधिक ऊर्जावान वाटले.

तसेच या गोष्टी लक्षात ठेवल्या. स्पष्टपणे, वजन कमी करण्यासाठी केवळ आहारावर लक्ष केंद्रित करणे पुरेसे नाही. म्हणूनच, अभिनेत्याने त्याच्या जीवनशैलीवरदेखील लक्ष केंद्रित केले. तो सक्रिय राहण्यासाठी सकाळी फिरायला गेला. दिवसभर हायड्रेटेड राहण्यासाठी त्याने भरपूर पाणी देखील प्यायले. याशिवाय दिवसभर त्याने पुरेशी झोप घेतली. अभिनेत्याने सांगितले की त्याने लवकर झोपण्याचा प्रयत्न केला आणि झोपण्यापूर्वी किमान दीड तास आधी स्क्रीन टाइम कमी केला, ज्यामुळे २१ दिवसात वजन कमी करण्यास त्याला मदत मिळाली.