रोज धुवाल तर केस स्वच्छ नाही, पूर्णपणे सफाचट होतील! मग काय करावे? जाणून घ्या

रोज शॅम्पू केल्याने केसांचा नैसर्गिक ओलावा निघून जातो. केसांच्या प्रकारानुसार २ ते ४ दिवसांनी शॅम्पू करणं अधिक योग्य आहे.

घनदाट, मऊसूत, लांबसडक केस कोणाला आवडत नाहीत? पण असे केस रोज शॅम्पू केल्याने मिळतातच असं नाही. खरं तर शॅम्पूमधील केमिकल्समुळे केसांची हानी होऊ शकते. मग नेमकं किती दिवसांनी केस धुवावेत आणि कशी काळजी घ्यावी, हे जाणून घेणं महत्त्वाचं आहे.

घरात जागोजागी दिसतायेत फक्त झुरळंच झुरळ? कानाकोपऱ्यात दडून बसलेत, मग स्वयंपाकघरातील या पानांची घ्या मदत

रोज केस धुणं योग्य आहे का?

रोज शॅम्पू केल्याने केस स्वच्छ वाटतात, पण त्यातील ओलावा निघून जाऊन केस कोरडे, निस्तेज आणि तुटके होतात. विशेषतः कुरळे केस असणाऱ्यांनी रोज केस धुणं टाळावं, कारण त्यात ड्रायनेस लवकर येतो. मात्र, ऑयली केस असणारे लोक एक दिवस सोडून दुसऱ्या दिवशी केस धुऊ शकतात.

केसांच्या प्रकारानुसार शॅम्पूची वेळ

• पातळ केस: हे केस पटकन तेलकट होतात. त्यामुळे दर दुसऱ्या दिवशी शॅम्पू करणे योग्य.
• मध्यम जाडीचे केस: अशा केसांसाठी आठवड्यातून २ ते ४ वेळा शॅम्पू पुरेसा आहे.
• घनदाट किंवा कुरळे केस: हे केस पटकन कोरडे होतात. त्यामुळे आठवड्यातून १ किंवा २ वेळा केस धुणं पुरेसं ठरतं.

जास्त शॅम्पूमुळे होणारे दुष्परिणाम

• केस कोरडे व निस्तेज होणे
• दोनमुंहे केस वाढणे
• जास्त प्रमाणात केस गळणे
• शॅम्पू न करता केस स्वच्छ ठेवण्याचे उपाय

ड्राय शॅम्पू : हे स्काल्पवरील अतिरिक्त तेल आणि धूळ शोषून घेतं. पण हे नियमित शॅम्पूचा पर्याय नाही.

सकाळच्या कामात, घाईगडबडीच्या वेळी नाश्त्यासाठी झटपट बनवा ‘इंन्सटंट उपमा’

कमी स्टाइलिंग प्रॉडक्ट्स : जेल, हेअरस्प्रे किंवा सिरम यांचा जास्त वापर टाळावा. हे स्काल्पवर जमा होऊन केस डॅमेज करतात.

शॅम्पू पूर्ण केसांवर नव्हे, तर मुळांवर शॅम्पू लावा. त्यामुळे स्काल्प स्वच्छ राहील आणि नैसर्गिक ओलावा जपला जाईल. थोडक्यात सांगायचं तर, केस रोज धुणं टाळा. केसांच्या प्रकारानुसार योग्य अंतर ठेऊन शॅम्पू करा, नैसर्गिक तेलं व ओलावा जपून ठेवा. तेव्हाच तुमचे केस खरंच निरोगी आणि चमकदार दिसतील.